އޮންލައިންކޮށް ލޯޝަން ފުޅިއަކަށް އޯޑަރު ކުރުމުން ލިބުނީ އަގުބޮޑު ހެޑްސެޓެއް
ކޮވިޑް19 އާ ގުޅިގެން އަހަރެމެންގެ ދިރިއުޅުމަށް ބޮޑު ބަދަލުތަކެއް އައިސްފައިވާއިރު މީގެ ތެރެއިިން ފާހަގަކޮށްލެވޭ އެއް ކަމަކީ އޮންލައިން ކޮށް ވިޔަފާރިއަށް ބަރޯސާ ވާން ޖެހުމެވެ.
އެގޮތުން މިއީ ވެސް އޮންލައިން ކޮށް ވިޔަފާރި ކުރުމުގައި މީހަކަށް ދިމާވި ކަމެއް ވާހަކައެވެ.
އިންޑިއާ މީހަކު އެމެޒޯން އިން އޮންލައިން ކޮށް ލޯޝަން ފުޅިއެއް ގަތުމަށް އޯޑަރުކުރުމުން އޭނާއަށް ވަނީ އަގުބޮޑު ހެޑްސެޓެއް ލިބިފައެވެ. އޭނާ މީސް މީޑިއާ ގައި ބުނފައިވާ ގޮތުގައި އޭނާ ގަތް އެއްޗެހީގެ އަގު އަސްލު އަރަނީ 300 އިންޑިއަން ރުޕީސް ކަމަށެެވެ.
ނަމަވެސް އޯޑަރު ލިބުނު އިރު ލޯޝަން ފުޅީގެ ބަދަލުގައި އޮތީ 19 ހާސް އިންޑިއަން ރުޕީސް އަށް ލިބޭ ވަޔަރލެސް ހެޑްފޯނެއް ކަމުގައި އޭނާ ބުނެފައިވެއެވެ.
އަދި އެމެޒޯން ކަސްޓަމާ ކެއާ އަށް ގުޅުމުން ހެޑްސެޓެއް ބަދަލުނުކޮށްދެވޭނެ ކަމަށް އެތަނުން ބުނެފައިވާ ކަން ވެސް އޭނާ ފާހަގަކޮށްފައިވެއެވެ.
އޭނާ ހިއްސާކުރި މި ތަޖުރިބާ އާއެކު ގިނަ ބަޔަކު ވަނީ އެމެޒޯން އިން އެމީހުންނާ ކުރިމަތިވި ބައެއް ކަންތައްތައް ވެސް ހިއްސާކޮށްފައެވެ. އެގޮތުން ބޮޑީ ސްޕްރޭ ފުޅިއެއް ގަތުމުން ލެނޯވޯ ލެޕްޓޮޕެއް ލިބުނު މީހަކު ވެސް ވަނީ އެ ވާހަކަ ހިއްސާކޮށްފައެވެ.
