ބިގް ބޮސް އެނބުރި އަންނަނީ ސަލްމާން އާއެކު
އިންޑިއާ ގެ އެންމެ ގިނަ ބަޔަކު ބަލާ އެއް ރިއަލިޓީ ޝޯޯ އަކަށް ބިގް ބޮސް ވާނެއެވެ. މި ޝޯ ގެ އެންމެ ހާއްސަ ކަމަށް ވެފައި އޮންނަނީ ޝޯ ހޯސްޓުކުރާ ސަލްމާން ޚާން އެވެ.
ބިގްބޮސް ސީޒަން ނިންމާލުމަށް ފަހު ޝޯ އިން ސަލްމާން ވަކި ވާން އުޅޭ ކަމަށް އަޑު ފެތުރިފައި ވީ ނަމަވެސް ފޭނުންނަށް ވަނީ މި އަހަރު ވެސް ޝޯ ހޯސްޓު ކުރާނީ ސަލްމާން ކަމުގެ އުފާވެރި ހަބަރު ލިބިފައެވެ. މިއަހަރުގެ އޮކްޓޯބަރު ގައި މި ޝޯ ފެށުމަށް ހަމަޖެހިފައިވާއިރު ރިޕޯޓުތައް ބުނާ ގޮތުގައި ކޮވިޑް19 އާ ގުޅިގެން އިތުރަށް ލަސްވެދާނެއެވެ.
އެގޮތުން ބިގް ބޮސް ކްރޫ އަށް އެކަނި ވެސް ހަމައެކަނި 300 އަށް ވުރެ ގިނަ މީހުން ބޭނުން ވާއިރު އިޖުތިމާއީ ގައިދުރުކަން ދެމެހެއްޓުން ވެގެންދާނީ އުނދަގޫ ކަމަކަށެވެ.
ރިޕޯޓުތައް އިތުރަށް ބުނާ ގޮތުގައި ސަލްމާން ޚާން މި އަހަރުގެ ޕްރޮމޯޝަން ވިޑިއޯ ވެސް ހަދަން ހަމަޖެހިފައިވަނީ އޭނާ މިހާރު ހުރި ޕަންވޭލް ގެ ފާމް ހައުސްގައެވެ.
