ﷲއަށް ހަމްދުހުރި، އިތުރު 24 މީހަކު ބަލިން ރަނގަޅު ވެއްޖެ

ރާއްޖެއިން ކޮވިޑް-19 އަށް ފައްސިވި މީހުންގެ ތެރެއިން އިތުރު24 މީހަކު ބަލިން ރަނގަޅު ވެއްޖެއެވެ.

Ads by Sosun Fihaara

މިއަދު ބަލިން ރަނގަޅުވި 24 މީހުންނާއެކު، ބަލިން ރަނގަޅުވި މީހުންގެ އަދަދު ވަނީ 1217އަށް އަރައިފައެވެ. އެހެންކަމުން މިވަގުތު ރާއްޖޭގައި ކޮވިޑް-19އަށް ފަރުވާދެމުން ދަނީ 786 މީހުންނަށެވެ.

އެޗްޕީއޭއިން މިރޭ ބުނީ، މިއަދު ކޮވިޑަށް ފައްސިވީ 10 މީހުން ކަމަށާއި އެއީ ބަންގްލަދޭޝްގެ ހަތް މީހަކާއި، ނޭޕާލްގެ ދެ މީހަކާއި ދިވެއްސެއް ކަމަށެވެ.

މިއާއެކު ރާއްޖެއިން ކޮވިޑް-19އަށް ފައްސިވި މީހުންގެ އަދަދު ވަނީ 2013އަށް އަރައިފައެވެ.

ރާއްޖެއިން މިހާތަނަށް ބަލީގައި މަރުވެފައި ވަނީ އަށް މީހުންނެވެ. އެއީ ހަތަރު ދިވެހީންނާއި ހަތަރު ބަންގްލަދޭޝް މީހުންނެވެ. މަރުވި ދިވެހީންނަކީ މުޅިންވެސް އުމުރުން ދުވަސްވީ މީހުންނެވެ.