ވަކީލަކު ހަމަޖައްސަން ބާޣީ ލުތުފީއަށް 10 ދުވަސް!
1988 ވަނަ އަހަރުގެ ނޮވެމްބަރު މަހުގެ 3 ވަނަ ދުވަހު ރާއްޖެއަަށް ދިން އުދުވާނީ ހަމަލާގެ އިސް މޭސްތިރިއެއްގެ ގޮތުގައި ހަރަކާތްތެރިވި ހ. ހާޖަރާގޭ އަބްދުﷲ ލުތުފީ، ފިލައިގެން ރާއްޖެއިން ބޭރުގައި އުޅުނު މައްސަލައިގައި ދައުލަތުން އުފުލި ދައުވާއާއި ގުޅިގެން ގާނޫނީ ވަކީލަކު ހަމަޖައްސަން 10 ދުވަހުގެ މުއްދަތެއް ކްރިމިނަލް ކޯޓުން އޭނާއަށް ދީފިއެވެ.
ވީޑިއޯ ކޮންފަރެންސް މެދުވެރިކޮށް ކްރިމިނަލް ކޯޓުގައި މިއަދު ބޭއްވުނު މިމައްސަލައިގެ އިބްތިދާއީ އަޑުއެހުން ފެށުމަށްފަހު މައްސަލަ ބައްލަވާ ޤާޒީ އަލީ ރަޝީދު، ވަކީލަކު އައްޔަންކުރަން ބޭނުންތޯ ބާޣީ ލުތުފީއާއި ސުވާލުކުރެއްވުމުން ލުތުފީ ބުނީ ވަކީލަކު އައްޔަނު ކުރަން ބޭނުންވާ ކަމަށެވެ.
ބާޣީ ލުތުފީ ވަކީލަކަށް އެދުމުން އެނާއަށް ވަކީލަކު އައްޔަނު ކުރަން 10 ދުވަހުގެ މުއްދަތެއްދީ އެކަން ހަމަޖައްސާދިނުމަށް ބޭނުންވާ ކަންކަން ހަމަޖައްސާދިނުމަށް މޯލްޑިވްސް ކަރެކްޝަނަލް ސާވިސަސް އަށް އަންގަވާނެކަމަށް ޤާޒީ ވިދާޅުވިއެވެ.
ވީޑިއޯ ކޮންފަރެންސް މެދުވެރިކޮށް މިއަދު ބޭއްބުނު މިޝަރީޢަތް ކުރިޔަށް ގެންގޮސްފައިވަނީ މައްސަލަ އަޑުއަހަން ބޭނުންވާ މީހުންނަސްވެސް އެފުރުސަތު ދީގެންނެވެ.
