ﷲއަށް ހަމްދުހުރި، އިތުރު 94 މީހަކު ބަލިން ރަނގަޅު ވެއްޖެ

ރާއްޖެއިން ކޮވިޑް-19އަށް ފައްސިވި މީހުންގެ ތެރެއިން އިތުރު 94 މީހަކު ބަލިން ރަނގަޅު ވެއްޖެއެވެ.

Ads by MWSC

މި 94 މީހުންނާއެކު، ރާއްޖެއިން ބަލިން ރަނގަޅުވި މީހުންގެ ޖުމްލަ އަދަދު މިހާރު ވަނީ 1311 އަށް އަރާފައެވެ.

ހެލްތު ޕްރޮޓެކްޝަން އެޖެންސީ(އެޗްޕީއޭ) އިން ބުނީ މިއަދު އިތުރު 22 މީހަކު ކޮވިޑަށް ފައްސިވެފައިވާ ކަމަށާއި އެ މީހުންގެ ތެރޭގައި ހިމެނެނީ ނުވަ ދިވެއްސަކާއި، ބަންގްލަދޭޝްގެ 9 މީހަކާއި، ނޭޕާލްގެ ދެ މީހެއްގެ އިތުރުން އިންޑިއާ އަދި ތައިލޭންޑްގެ މީހެއް ކަމަށެވެ.

މި 22 މީހުންނާއެކު ރާއްޖެއިން މި ބައްޔަށް ފައްސިވި މީހުންގެ އަދަދު މިހާރު ވަނީ 2035 އަށް އަރާފައެވެ. މީގެތެރެއިން ފަރުވާ ދެމުން މިހާރު އަންނަނީ 714 މީހަކަށެވެ.