ސުޝާންތު މަރުވުމުން ބޮލީވުޑް ތަރިންނާއެކު މޯދީ ވެސް ހިތާމައިގައި ބައިވެރިވެއްޖެ
ބޮލީވުޑް އަށް ބަލާއިރު މިއަދު އެންމެ ހައިރާން ކުރުވަނިވި އެއް ޚަބަރަކައް އިވުނީ، ޒުވާން އެކްޓަރ ސުޝާންތު ސިންގް ރާޖްޕޫތު ދަންޖެހިގެން އަމިއްލައަށް މަރުވި ޚަބަރެވެ.
އުމުރުން 34 އަހަރުގެ ސުޝާންތުގެ މަރާއެކު މުޅި ބޮލީވުޑަށް މާޔޫސްކަން ލިބިފައިވާއިރު ތަރިންނާއެކު އިންޑިއާގެ ބޮޑު ވަޒީރު ނަރެންދްރަ މޯދީ ވެސް ބައިވެރިވެ ވަޑައިގެންފައެވެ.
Sushant Singh Rajput...a bright young actor gone too soon. He excelled on TV and in films. His rise in the world of entertainment inspired many and he leaves behind several memorable performances. Shocked by his passing away. My thoughts are with his family and fans. Om Shanti.
— Narendra Modi (@narendramodi) June 14, 2020
ސުޝާންތުފަދަ ޒުވާން ތަރިއަކު ދުނިޔެއިން އެދިޔައީ މާއަވަހަށްކަމާއި ޓެލެވިޝަންގެ ދުނިޔެއާއި ފިލްމީ ދުނިޔޭގައި ވެސް އޭނާއަކީ ނުހަނު ކާމިޔާބު ތަރިއެއްކަން މޯދީ ފާހަގަކުރިއެވެ.
މޯދީ ބުނެފައިވަނީ ސުޝާންތުގެ އެދިޔައީ ވަރަށް ގިނަ ހަނދާންތަކެއް ދޫކޮށްފައި ކަމަށެވެ.
ބާންޑްރާ ގައި އޭނާ ދިރިއުޅޭ އެޕާޓްމަންޓުގައި ސުޝާންތު މަރުވެފައި އޮއްވާ ފެނިފައިވަނީ މިއަދު މެންދުރެއްހާއިރެވެ.
މަރުވުމުގެ ކުރިން އޭނާ ދިޔައީ ނަފްސާނީ ބައްޔަށް ބޭސްކުރަމުން ކަމަށް ވެސް ބައެއް ފަރާތްތަކުން ބުނެފައިވެއެވެ.
ސުޝާންތުގެ މަރާއެކު، ބިހާރްގައި ހުރި އޭނާގެ އާއިލާއަށް ތައުޒިޔާ ފޮނުވި މީހުންގެ ލިސްޓުގައި ބޮލީވުޑްގެ ސުޕާސްޓާރުން ކަމުގައިވާ ޝާހްރުކް ޚާން، ސަލްމާން ޚާން، ދީޕިކާ ޕަޑުކޯން، އަނުޝްކާ ޝަރްމާ، ސައިފް އަލީ ޚާން، ކަރަން ޖޯހަރް، ރަންވީރް ސިންގް އަދި ދިޝާ ޕަޓާނީ ވެސް ހިމެނެއެވެ.
