ލުއި ދިން ނަމަވެސް ކުނި ބަލާ މައްޗަށް ނާރާނެ، ތިރީގައި ބަހައްޓަންވާނީ!
މާލެ ސަރަޙައްދަށް އިއުލާނު ކޮށްފައިވާ ފުރަބަންދަށް މާދަމާއިން ފެށިގެން ބޮޑު ލުޔެއް ދިން ނަމަވެސް، މިއަހަރުގެ އޮގަސްޓް މަހުގެ 1 ވަނަދުވަހާއި ހަމައަށް ކުނި ނަގާނީ ގޭގެ އިމާރާތުގެ ތިރިންކަމަށާއި އޭގެ ކުރިން ކުނި ބަލާ މައްޗަށް ނާރާނެ ކަމަށް ވެމްކޯއިން ބުނެފިއެވެ.
ކޮވިޑް-19 ފެތުރުމާއި ގުޅިގެން ގޭގެއިން ކުނި ނަގާ އުސޫލަށް ވެމްކޯ އިން ވަނީ ބަދަލު ގެނެސްފައެވެ.
އެގޮތުން އިމާރާތެއްގެ މައްޗަށް ނާރާ ތިރިން ކުނި ގެންދާއިރު، ކުނި ނަގަމުންދާ ގަޑިއަކީ މެންދުރު 12:00 ން 14:00 އަށެވެ.
މިމުއްދަތުގައިވެސް ވެމްކޯގެ އެއްވެސް މުވައްޒަފަކު ކުނި ނެގުމަށް އިމާރާތުގެ ވަކިވަކި ފަންގިފިލާތަކަށް ނާރާނެ ކަމަށް ވެމްކޯއިން ބުނެފައިވެއެވެ.
މީގެއިތުރުން މޮނީޓަރިންގައިވާ ގޭބިސީތަކުން ކުނި ނަގަމުން ގެންދާނީ ކުރިއެކެވޭސް އެއްގޮތަށް އެޗްޕީއޭގެ އިރުޝާދުގެ މަތިން ވަކި ހާއްސަ ބައެއްކަމަށްވެސް ވެމްކޯއިން ބުނެއެވެ.
Ads by STO
