މަޖިލިސް އެމްޑީޕީ ހަރުގެއަށް ވެއްޖެ: ޖަމީލު
ރައްޔިތުންގެ މަޖިލީސް، އެމްޑީޕީ ހަރުގެއަށް ވެއްޖެ ކަމަށް ކުރީގެ ނައިބު ރައީސް ޑރ. މުހައްމަދު ޖަމީލު އަހްމަދު ވިދާޅުވެއްޖެއެވެ.
ޖަމީލު މިއަދު ކުރެއްވި ޓްވީޓެއްގައި ވިދާޅުވީ އެމްޑީޕީން ވެރިކަން ކުރަނީ ހުތުރުކޮށް އުޅެގެން ކަމަށާއި، ކިޔަނީ މުޑުދާރު އެއްޗިހިކަމަށެވެ.
ޖަމީލު އިތުރަށް ވިދާޅުވީ ފުލުހުންނަކީ ގައުމުގެ ފަހުރު ކަމަށާއި ގައުމެއްގެ ގޮތުގައި އޮތުމުގެ ސަބަބު ކަމަށެވެ.
"2008 ގައި ވެސް ފުލުހުންނަށް ފުރައްސާރަކުރި. ނަތީޖާ އަދިވެސް ހަޖަމް ނުވޭ. މަލަމަތި އުޖާލާ، ނިމެން ކައިރިވެއްޖެ އިންޝާ ﷲ" ޖަމީލު ވިދާޅުވެފައިވެއެވެ.
Verikan kuranee huthurukoh ulhegen. Kiyanee mududhaaru echchehi. Majlis MDP haruge ah vejje. Fuluhunna sifainnakee qaum ge fahuru, qaumegge gothugai othumuge sababu. 2008 gaves fuluhunnah furassaara kuri. Natheeja adhives hajam nuvey. Malamathi ujaala; nimen kairi vejje, IA. pic.twitter.com/Wnt5RxbfCv
— Mohamed Jameel Ahmed (@MJameelAhmed) June 16, 2020
ޖަމީލު މިހެން ވިދާޅުވެފައިވާއިރު، ފުލުހުންގެ ތައުލީމީ ފެންވަރާ، ގާބިލުކަމާމެދު ސުވާލުއުފައްދާ، ފުލުހުންގެ މުއައްސަސާއަށް މަޖިލީހުގެ ތަޅުމުގައި އެމްޑީޕީ މެމްބަރުން އިއްޔެ ވަނީ ފާޑު ވިދާޅުވެފައެވެ.
ރައްޔިތުންގެ މަޖިލީހަށް ސަރުކާރުން ހުށަހަޅާފައިވާ ދިވެހި ފުލުހުންގެ ހިދުމަތުގެ ބިލަށް ބަހުސްކުރައްވަމުން، ގިނަ އެމްޑީޕީ މެމްބަރުން އަންނަނީ ފުލުހުންގެ ތެރޭގައި ކުށްކުރާ ފުލުހުން އުޅޭ ކަމަށާއި، އަދި ފުލުހުންގެ މައްސަލަތައް އެކަށީގެންވާ ގޮތެއްގައި ނުބެލޭ ކަމަށް ވިދާޅުވަމުންނެވެ. އަދި ފުލުހުންގެ ތެރޭގައި ތައުލީމީ ފެންވަރު ދަށް، ގާބިލު ނޫން އޮފިސަރުން ތިބި ކަމަށް ވެސް މެމްބަރުން އަންނަނީ ވިދާޅުވަމުންނެވެ.
