ކޮވިޑް-19: ރައްޔިތުންގެ މަޖިލީހުގެ މުވައްޒިފަކު ފައްސިވެ، އިދާރާ މޮނީޓަރިންއަށް!
ރައްޔިތުންގެ މަޖިލީހުގެ އިދާރީ މުވައްޒިފަކު ކޮވިޑް-19 އަށް ފައްސިވުމުން، މަޖިލިސް މޮނީޓަރިންގެ ހާލަތައް ލައިފިއެވެ.
އެނގިފައިވާ ގޮތުގައި މަޖިލިހުން ކޮވިޑް އަށް ފައްސިވެފައިވަނީ އެެއިދާރާގެ މަސައްކަތު މީހެކެވެ.
މަޖިލީހިގެ މުވައްޒަފަކު ކޮވިޑަށް ފައްސި ވެފައިވާކަން އެތަނުގެ އެޗްއާރުން ހާމަކޮށް ވިދާޅުވެފައިވަނީ، ކޮވިޑްއަށް ފައްސިވީ މުވައްޒަފު އެންމެ ފަހުން އެއިދާރާއަށް ގޮސްފައިވަނީ މިމަހުގެ 15 ވީ ހޯމަ ދުވަހު ކަމަށެވެ.
ކޮވިޑް އަށް ފައްސިވެފައިވަނީ އެތަނުގެ މެއިންޓަނަންސް ގައި މަސައްކަތްކުރާ ފިރިހެން މުވައްޒިފެއް ކަމަށް، މަޖިލީހުގެ މީޑިއާ ޑިރެކްޓަރ ޙަސަން ޒިޔާއު އޮންލައިން ނޫހަކަށް މައުލޫމާތު ދެއްވަމުން ވިދާޅުވެފައިވެއެވެ.
"މަޖިލިސް ބަންދުކޮށް އެޗްޕީއޭގެ އިރުޝާދުގެ ދަށުން އަޅަންޖެހޭ ފިޔަވަޅުތައް މިދަނީ އަޅަމުން. އަދި އެމުވައްޒަފުގެ ކޮންޓެކްޓް ޓްރޭސިންގ ވެސް ހެދުމުގެ މަސައްކަތް ކުރަމުން މިދަނީ" ޒިޔާއު ވިދާޅުވެފައިވެއެވެ.
