ކޮވިޑް-19: ޕީއެސްއެމްގެ މުވައްޒިފެއް ވެސް ފައްސިވެއްޖެ
ފެތުރެމުން އަންނަ ކޮރޯނާ ވައިރަސް ނުވަތަ ކޮވިޑް-19 އަށް ދައުލަތުގެ މީޑިއާ ޕީއެސްއެމް ގެ މުވައްޒިފެއް ވެސް ފައްސިވެއްޖެއެވެ.
އެނގިފައިވާ ގޮތުގައި ކޮވިޑަށް ފައްސިވެފައިވަނީ ޕީއެސްއެމްގެ ޓެކްނީޝަނެކެވެ.
ދައުލަތުގެ މީޑިއާގެ މެނޭޖިންގ ޑިރެކްޓަރ އަލީ ޚާލިދް "ދެން" އަށް މައުލޫމާތު ދެއްވަމުން ވިދާޅުވީ ފައްސިވެފައިވަނީ ޕީއެސްއެމް ގެ މުވައްޒިފެއް ކަމަށާއި އޭނާގެ ކޮންޓެކްޓް ޓްރޭސިންގ މިހާރު ހަދަމުންދާ ކަމަށެވެ.
"އެޗްޕީއޭގެ އިރުޝާދުގެ ދަށުން އެކަން ބަލަމުން އަންނަނީ. ފައްސިވީ އެއް މުވައްޒިފަކު. އޭނާގެ ކޮންޓެކްޓް ޓްރޭސިންގ ހަދަމުން މިހާރު ދަނީ" އަލީ ޚާލިދު ވިދާޅުވިއެވެ.
ފައްސިވީ މުވައްޒިފު މިހާރު ހުރީ ގޭގައި ކަރަންޓީނު ކޮށްފައި ކަމަށާއި އޭނާގެ ހާލު އަންނަނީ ރަނގަޅުވަމުން ކަމަށް ވެސް އަލީ ޚާލިދު އެހެން ނޫހަކަށް މައުލޫމާތު ދެއްވަމުން ވިދާޅުވެފައިވެއެވެ.
ޕީއެސްއެމް ގެ އެމުވައްޒިފު ފައްސިވެފައިވާކަން އެނގިފައިވަނީ މިމަހުގެ 15 ވަނަ ދުވަހުގައެވެ. އޭނާގެ ކޮންޓެކްޓް ޓްރޭސިންގ ހަދަމުންދާއިރު، މިހާތަނަށް ކޮންޓެކްޓު ވެފައިވާ އަށް މީހަކު ގޭގައި މަޑުކުރަން ވެސް އަންގާފައިވާ ކަމަށް މައުލޫމާތު ލިބެއެވެ.
