ކަރީނާ ގެ ކުޑަ ކުޑަ އަތް ދަބަހުގެ އަގު ފެނިފައި ގިނަ ބަޔަކު ކޮސްވެއްޖެ
ކަރީނާ ކަޕޫރް ޚާން އަކީ ބޮލީވުޑުގެ ތަރިންގެ ތެރެއިން އެންމެ މަގުބޫލު ތަރިންގެ ލިސްޓުގައި ހިމެނޭ ތަރިއެކެވެ. އެގޮތުން ކަރީނާ ކުރާ ކަންތައްތަކާއި ގެންގުޅޭ އެއްޗެހި ބެލުމަކީ ގިނަ ބަޔަކު ވަރަށް ކުރާހިތްވާ ކަމެއްވެސް މެއެވެ.
އެގޮތުން ދާދި ފަހުން ކަރީނާ އިންސްޓަގްރާމް ކަރީނާ އޭނާ ގެ ގާތް އެކުވެރިއެއްކަމަށްވާ ކަރަން ޖޯހަރު އާއެކު ހިއްސާކުރި ފޮޓޯ އެއްގައި ހިފަހައްޓައިގެން ހުރި ކުޑަ ކުޑަ އަތް ދަބަހަށް ގިނަ ބައެއްގެ ސަމާލުކަން ވަނީ ލިބިފައެވެ.
ސަބަބެއްވެސް ނެތިއެއް ނޫނެވެ. އަތް ދަބަހުގެ ސައިޒު ކިތަންމެ ކުޑަ ނަމަވެސް އަގު ވަރަށް ބޮޑެވެ. ގޫޗީ ބްރޭންޑުގެ 12 އިންޗީގެ ކަރިއާ ޖީޖީ ސުޕްރީމް ޕައުޗް ގެ އަގަކީ 66 ހާސް އިންޑިއަން ރުޕީސްއެވެ.
ގޫޗީގެ ވެބްސައިޓުގައި ބުނާ ގޮތުން ވިންޓޭޖް ތީމަކަށް ހަދާފައިވާ މި ދަބަހުގެ އެންމެ ހާއްސަ ކަމަކީ އެމްބްރޮއިޑަރީ ބޭނުން ކޮށް މި ދަބަހުގައި ފަރުމާކޮށްފައިވާ އެންޓީކް ޑިޒައިންތަކަކީ އަތުން ހަރުކޮށްފައިވާ ޑިޒައިންތަކަކަށްވުމެވެ.
މިއަހަރު ކަރީނާ ކަޕޫރް އިންސްޓަގްރާމް އަށް ވަންނަން ފެށި ފަހުން ކަރީނާ އަށް ލިބެމުން އައި ތަރުހީބު ވަނީ އިތުރަށް ބޮޑުވެފައެވެ. އެގޮތުން މިހާރުވެސް 3 މިލިއަން މީހުން އަންނަނީ ކަރީނާ އަށް އިންސްޓަގްރާމުން ފޮލޯ ކުރަމުންނެވެ.
Ads by STO
