ފެން ބިލްތަކުގެ ޖޫރިމަނާ ފައިސާ ދެއްކުން 1 އަހަރު ދުވަހަށް އިތުރު ކޮށްދީފި
ފެން ބިލްތަކުގެ ޖޫރިމަނާ ފައިސާ ދެއްކުން 1 އަހަރު ދުވަހަށް އިތުރު ކޮށްދޭން އެމްޑަބްލިއުއެސްސީން ނިންމައިފިއެވެ.
އެމްޑަބްލިއުއެސްސީން ބުނީ ފެނާއި ނަރުދަމާގެ ހިދުމަތް ފޯރުކޮށްދިނުމުގައި ކަސްޓަމަރުންނާ ވީހާވެސް ގާތުން ލުއިފަސޭހަ ހިދުމަތްތައް ފޯރުކޮށްދިނުމަކީ އަބަދުވެސް ކުންފުނީގެ އަމާޒެއް ކަމަށެވެ.
ކަސްޓަމަރުން ބިލް ދެއްކުމުގައި ލުޔެއް ދިނުމުގެ ގޮތުން މދިިޔަ ޑިސެމްބަރު މަހު ވަނީ ހާއްސަ ޕްރޮގްރާމެއް ފަށައިފައެވެ.
"ދަރަންޏަށް ލުޔެއް" ގެ ނަމުގައި ކުރިއަށް ދިޔަ އެ ޕްރޮގްރާމް ކޮވިޑްގެ ފުރަބަންދާ ގުޅިގެން ގިނަ ކަސްޓަމަރުންނަށް ބޭނުން ނުހިފޭކަން ފާޙަގަކުރެވިފައިވާ ކަމަށް އެމްޑަބްލިއުއެސްސީން ބުންޏެވެ.
އެހެން ކަމުން އެ ޕްރޮގްރާމް އަންނަ އަހަރުގެ މާޗް މަހާ ހަމައަށް އަލުން ކުރިއަށް ގެންދަން ނިންމައިފައިވާކަން އެމްޑަބްލިއުއެސްސީން މިއަދު ވަނީ އިއުލާންކޮށްފައެވެ.
އެމްޑަބްލިއުއެސްސީން ނެރުނު ބަޔާނެއްގައި ބުނީ 17 މާޗް 2021 ގެ ކުރިން ފެން ބިލަށް ފައިސާ ދައްކަވާ ފައިސާގެ އިންސައްތައިގެ ނިސްބަތުން ޖޫރިމަނާ މާފުކުރެވިގެން ދާނެ ކަމަށެވެ. މީގެ އިތުރުން ފެން ބިލަަށް ދަން ޖެހޭ ފައިސާ އެއްފަހަރާ ދެއްކުމަށް ދަތިވާ ފަރާތްތަކަުން މަހުން މަހަށް ބަހާލައިގެން ލުއި ފަސޭހަ ގޮތެއްގައި ފައިސާ ދައްކަ ހަލާސްކޮށްގެންވެސް ޖޫރިމަނާ މާފުކުރެވޭނެ ފުރުސަތު ލިބިގެންދާނެ ކަމަށް އެމްޑަބްލިއުއެސްސީގެ ބަޔާނުގައި ވެއެވެ.
ހުރިހާ ކަސްޓަމަރުންވެސް މަހުން މަހަށް ފައިސާ ދެއްކުމަށް ބާރުއަޅައި އެމްޑަބްލިއުއެސްސީން ވަނީ އެ ކުންފުނިން އަލަށް ދިން ލުޔާއެކު ދައްކަން ޖެހޭ ފައިސާތައް ހަލާސްކުރުމަށް އިލްތިމާސްކޮށްފައެވެ.
