ސަރުކާރުގެ އިދާރާތައް ހުޅުވާ މުއްދަތު އިތުރުކޮށްފި!
ކޮންމެހެން ކުރަންޖެހޭ މަސައްކަތްތައް އެކަނި ކުރުމަށް ސަރުކާރުގެ އިދާރާތައް މިމަހުގެ 30 ވަނަ ދުވަހާއި ހަމައަށް ހުޅުވާފައި ބެހެއްޓުމަށް ރައީސް އިބްރާހިމް މުޙައްމަދު ޞާލިޙު ވިދާޅުވެއްޖެއެވެ.
އެގޮތުން އާދީއްތަ ދުވަސް ފިޔަވާ އެހެން ދުވަސްތަކުގައި ހެނދުނު 9:00 ން މެންދުރު 1:00 އަށް ސަރުކާރުގެ އޮފީސްތަށް ހުޅުވާ ގޮތަށް ރައީސް ޞާލިޙު ނިންމެވި ކަމަށް، ރައީސް އޮފީހުން އިއުލާނު ކުރައްވާފައިވެއެވެ.
ހަފްތާއަކު ހަތަރު ދުވަހު ސަރުކާރުގެ އޮފީސްތަށް ހުޅުވާ ގޮތަށް ނިންމެވި ނަމަވެސް، އެއިދާރާތަކަށް ގޮސްގެން ޚިދުމަތް ހޯދުމުގެ ފުރުސަތު އަދި ހުޅުވާނުލާ ކަމަށް ވެސް އިއުލާނުގައި ބުނެފައިވެއެވެ.
ސަރުކާރުގެ އިދާރާ ހުޅުވައިގެން ކުރާނެ މަސައްކަތްތައް އެ އިދާރާއެއްގެ ވަޒީރު ނުވަތަ އެ އިދާރާއެއްގެ އެންމެ އިސްވެރިޔާ ކަނޑައަޅުއްވަންވާނެ ކަމަށާއި، އިދާރާއެއް ހުޅުވާނީ އެ އިދާރާއަށް މުވައްޒަފުން ހާޒިރުވެގެން އެ އިދާރާއަކުން މި ދުވަސްވަރު ކޮންމެހެން ކުރަންޖެހޭ މަސައްކަތްތައް ކުރުމަށް އެކަނި ކަމަށް ސަރުކާރުގެ އޮފީސްތަކަށް ރައީސް ޞާލިޙު ވަނީ އަންގަވާފައެވެ
