ކުޑަކުދިންނަށް ސަމާލުވޭ! ކޮވިޑް19 އާ ގުޅުންހުރި ކުދަކުދިންނަށް ޖެހޭ ނުރައްކާތެރި ބަލި ރާއްޖެއިން ފެނިއްޖެ

ކޮވިޑް-19 އަށް ވުރެ ނުރައްކާތެރި އަދި ކުޑަކުދިންނަށް ޖެހޭ ބައްޔެއް ކަމަށްވާ މަލްޓިސިސްޓަމް އިންފްލެމޭޓަރީ ސިންޑްރޯމް އިން ޗިލްޑްރެން (އެމްއައިއެސް-ސީ) ރާއްޖެއިން ފެނިފައިވާ ކަމަށް އައިޖީއެމްއެޗްގެ ކުޑަކުދިންގެ ޑޮކްޓަރު އަހްމަދު ފައިސަލް ވިދާޅުވެއްޖެއެވެ.

Ads by Hajj Corporation

ޑރ. ފައިސަލް މިއަދު ކުރައްވާފައިވާ ޓްވީޓެއްގައި ވިދާޅުވީ ރާއްޖޭއިން މި ބަލި ފެނިފައިވަނީ ރާއްޖޭގައި ދިރިއުޅޭ އިންޑިއާގެ އެއް އަހަރުގެ ކުއްޖެއްގެ ގައިން ކަމަށެވެ.

އެގޮތުން މި ބަލީގައި އެ ކުއްޖާގެ ހިތުގެ ލޭނާރުތަކަށް އަސަރު ކޮށްފައިހުރި ކަމަށް ޑރ. ފައިސަލް ވިދާޅުވެފައިވެއެވެ. އަދި މިއީ ކޮވިޑް-19 އާ ގުޅުން ހުރި ބައްޔެއް ކަމުގައި ވީނަމަވެސް އެކުއްޖާ ކޮވިޑު ޓެސްޓުގެ ނަތީޖާ ނައްސިވެފައިވާ ކަން ވެފައިވާކަންވެސް ޑރ. ފާހަގަކުރެއްވިއެވެ.

އެގޮތުން މި ބަލީގެ ސަބަބުން އެ ކުއްޖާގެ ލޭނާރުތަކަށް އަސަރުކޮށްފައި ހުރިއިރު އެކުއްޖާގެ ގައިން ފެނުނު އަލާމާތްތަކުގެ ތެރޭގައި 18 ދުވަހު ހުން އައުމާ، ވަރުބަލިވެުން، ތުންފަތާ، ދުލާ ލޯ ރަތްވެ، ބިހި ނެގުން ހިމެނެއެވެ.

"މިހާރު ހުންމަޑުވެ ރަނގަޅުވެއްޖެ، الحمد لله" ޑރ. ފައިސަލް ގެ ޓްވީޓުގައި ވިދާޅުވިއެވެ.