ފިއުލް ސަޕްލައި މޯލްޑިވްސްއިން ރާއްޖޭގެ އެކި ހިސާބުތަކަށް ތެޔޮ އުފުލުމުގެ މަސައްކަތަށް އިތުރު ބޯޓެއް
ފިއުލް ސަޕްލައި މޯލްޑިވްސްއިން ރާއްޖޭގެ އެކި ހިސާބުތަކަށް ތެޔޮ އުފުލުމުގެ މަސައްކަތުގައި އިތުރު ބޯޓެއް ބޭނުން ކުރުމަށް ތައްޔާރު ވެއްޖެއެވެ.
މި ބޯޓު ނުވަތަ ތެޔޮ ޓޭންކަރަކީ 8.5 މިލިއަން ލީޓަރުގެ ތެޔޮ އުފުލުމުގެ ޤާބިލްކަން ހުރި ބޯޓެކެވެ. އެފްއެސްއެމްގެ މެނޭޖިންގޑިރެކްޓަރ މުޙައްމަދު ޤަސަމް ޕީއެސްއެމް ނިއުސްއަށް މައުލޫމާތު ދެއްވަމުން ވިދާޅުވީ ކުރިން އެސްޓީއޯއިން ރާއްޖެއަށް މުދާ އުފުލުމަށް ބޭނުން ކުރަމުން އައި އަލިހުރަސް ބޯޓު އެފްއެސްއެމްގެ ދަތުރުތަކުގައި ބޭނުން ކުރުމަށް ދީފައިވާ ކަމަށެވެ.
"ކުރިއަށް އޮތް ދެ އަހަރެއްހާ ދުވަސްތެރޭ އަނެއްކާ އިތުރު ޓޭންކަރެއް އަޅުގަނޑުމެންގެ ފްލީޓަށް އިތުރުވާނެ، އިތުރުވެފަ، އަޅުގަނޑުމެން އަތުގަ އޮތް އެންމެ ދުވަސްވީ ޓޭންކަރު ދޫކޮށްލަން ޖެހޭނީ، ދުވަސްވީމަ އާ ކުރުމުގެ ސިޔާސަތުގެ ދަށުން، ދެން ފްލީޓަށް ގެންނާނީ 3 މިލިއަން ފްލީޓުގެ ވެސަލްއެއް" ޤަސަމް ވިދާޅުވިއެވެ.
މީގެ އިތުރުން ޤަސަމް ވިދާޅުވީ މިދިޔަ ޑިސެމްބަރު މަސްތެރޭ މި ބޯޓު އެފްއެސްއެމްއާ ހަވާލު ކޮށްފައި ވާކަމަށާއި، ބޯޓުގައި ތެޔޮ އުފުލުމަށް ބޭނުންވާނެ ވަސީލަތްތައް ޤާއިމްކުރުމުގެ މަސައްކަތް ނިންމާ، މާދަމާ މި ބޯޓުގެ ދަތުރުތައް ފެށުމަށް ތައްޔާރުވެފައި ވާކަމަށެވެ.
Ads by STO
