މަރުވުމުގެ ކުރިން ސުޝާންތު އޭނަގެ މަސައްކަތު މީހުންނަށް މުސާރަދިން، ބުނީ ދެން އިތުރަށް ދެވެން ނެތް ކަމަށް!
ބޮލީވުޑް ގެ އެކްޓަރު ސުޝާންތު ސިންގް ރާޖްޕޫތުގެ ވާހަކަ މިދެއްކެނީ ތަންކޮޅެއް ގިނައިން ކަމަށް ވެދާނެއެވެ. ނަމަވެސް ވާނީވެސް އެހެން ތާއެވެ. އެފަދަ މަޝްހޫރު މީހަކު މިފަދަ ގޮތަކަށް ނިމިގެން ދިޔައިމަ، އެކަމާއި ގުޅިގެން ލިބޭ އަޕްޑޭަަޓް ލިޔެވޭނެ ނޫންތޯއެވެ.
ބާންޑްރާގައި ސުޝާންތު ދިރިއުޅޭ އޭޕާޓްމަންޓުގައި އޭނާ ދަންޖެހިފައި ހުއްޓާ ފެނިފައިވަނީ މިމަހުގެ 14 ވަނަ ދުވަހުގައެވެ.
ނަމަވެސް މަރުވުމުގެ ތިން ދުވަސް ކުރިން އޭނާވަނީ އޭނާގެ ގޭގައި މަސައްކަތް ކުރާ އެންމެންނަށް ހަމަޔަށް މުސާރަ ދީފައި ކަމަށް ހާމަވެއްޖެއެވެ.
ސުޝާންތުގެ މަރުގެ ތަހުގީގު ކުރަމުންދާ މުމްބައީ ފުލުހުން ބުނީ މަރުވުމުގެ ތިން ދުވަސް ކުރިން އޭނާވަނީ އޭނަގެ ހުރިހާ މުވައްޒިފުންނަށް މުސާރަ ދީފައި ކަމަށާއި، ނަމަވެސް ދެން އިތުރަށް މުސާރަ ދެވެން ނެތް ކަމަށް ބުނި ކަމަށް ވެސް އެމީހުން ވަނީ ފުލުހުންނަށް މައުލޫމާތު ދީފައެވެ.
މީގެއިތުރުން ވެބްސީރީޒެއްގައި މަސައްކަތެއް ކުރެވޭތޯ އޭނަގެ ކުރީގެ މެނޭޖަރު ދިޝާއާއި މަޝްވަރާ ކުރަމުންނެވެ. ނަމަވެސް ދިޝާ ވަނީ ސުޝާންތު މަރުވުމުގެ ހަފްތާއެއްހާ ދުވަސް ކުރިން އޭނަ ދިރިއުޅުނު ބިލްޑިންގ ގެ 14 ވަނަ ފަންގިފިލާއިން ވެއްޓި މަރުވެފައެވެ.
މިހާތަނަށް އެނގިފައިވާ ގޮތުގައި ސުޝާންތު ނަފްސާނީ ގޮތުން ބަލިކަށިވީ ފިލްމީ ދާއިރާއިން އޭނައަށް ލިބުނު ނުތަނަވަސްކަމުގެ ސަބަބުންނެވެ.
