މޫދަށް ދޫކޮށްލާފައި އޮތް ދަލެއްގައި އޮޅި ވެލަޔާއި މިޔަރާއި މަޑިތައް މަރުވެފައި!
އައްޑޫ ސިޓީ ހުޅުދޫ މޫދަށް ދޫކޮށްލާފައި އޮތް ދަލެއްގައި އޮޅި ވެލަޔާއި މިޔަރާއި މަޑިތައް މަރުވެފައިވާ މަންޒަރު ފެންނަ ވިޑީއޯއެއް މީސް މީޑިއާގައި ދައުރުވާން ފަށައިފިއެވެ.
މި ވީޑިއޯ އާންމު ކުރި ފަރާތުން ބުނެފައި ވަނީ ދަތުރުގޮސް އުޅޭއިރު މަސް ހިފަން ބޭނުން ކުރާ ދާ ފަރުވާކުޑަކޮއްލާފަ މޫދައް ނުވަތަ އަތިރިމައްޗައް އެދާ އެއްލާލާފައި ދިއުމުން އެކަހަލަ ދެރަ މަންޒަރުފެނުން ވަރަށް ގާތް ކަމަށެވެ. އޭނާ ބުނީ އެ ވީޑިއޯ އިން އެ ފެންނަނީ ބުދަ ދުވަހު ރަށެއްގެ ބަޔަކުނެގި ދަލެއް ކަމަށެވެ.
އެ ދަލުގައި ޖެހި މިޔަރާއި ވެލަޔާއި މަޑި ފަދަ އެއްތައް އެއްޗެއް މަރުވެފައި އޮއްވާ ފެނެއެވެ.
މި ދާ ފެނުނު ބަޔަކާ ހަވާލާދީ "މިހާރު" ނޫހުގައި ރިޕޯޓު ކޮށްފައިވާ ގޮތުގައި އެ މީހުން މޫދު ކައިރިއަށް ދިޔައިރު، އެއްވެސް ހަރަކާތެއް ނެތި، ތިން ވެލާ މޫދުގައި އޮތްތަން ފެނުނު ކަމަށެވެ. އޭގެ އެއްވެސް ހަރަކާތެއް ނެތުމުން ގޯހެއް އުޅޭކަމަށް އެމީހުންނަށް ވިސްނުނެވެ. އެއީ ރާޅު ޖަހާ ހިސާބުން ފެށިގެން ފަސް ވަރަކަށް މީޓަރު ބޭރެވެ.
އެ މީހުން ބުނީ ދާ ނަގަން ދަމަމުން ދިޔަ ވަރަކަށް ދަލުގައި ޖެހިފައި ހުރި އެއްޗެހި އިތުރަށް ފެންނަމުން ދިޔަ ކަމަށެވެ. އޭގައި އެކި ވައްތަރުގެ މަޑި އާއި ކުދިކުދި ފަސް ވަރަކަށް މިޔަރު ފެނުނު ކަމަށާއި އެ ހުރިހާ އެއްޗެހީގެ ތެރެއިން ސަލާމަތްވީ ކުޑަ ތިން ވެލާ އެކަަނި ކަމަށް އެ މީހުން ބުންޏެވެ.
ވަރައް ގިނައިންފެންނަ މަންޒަރެއް ދަތުރުގޮސް އުޅޭއިރު ފަސޭހައިން މަސްހިފާލަން ދަލެއް ބަޭނުންކޮއްލާތަން ،މަސްހިފާނިމިގެން ފަރުވާކުޑަކޮއްލާފަ މޫދައް ނުވަތަ އަތިރިމައްޗައް އެދާ އެއްލާލާފައި ދިއުމުން މިކަހަލަ ދެރަމަންޒަރުފެނުން ވަރައް ގާތް. މީއިއްޔެ ރަށެއްގެބަޔަކުނެގި ދަލެއް pic.twitter.com/6Fo70aC7L8
— xoonti (@xoooms) June 18, 2020
