އަލްޙަމްދުލިﷲ! އައްޑޫ ސިޓީގައި ލަންކާ މީހަކު އިސްލާމްވެއްޖެ

އައްޑޫ ސިޓީގައި ދިރިއުޅޭ ލަންކާ މީހަކު އިސްލާމްވެއްޖެއެވެ. މި މީހާ އިސްލާމް ދީން ގަބޫލުކޮށްފައިވަނީ މިއަދުގެ ހުކުރު ނަމާދަށް ފަހުގައެވެ.

Ads by STELCO

މި މީހާ ދީން ގަބޫލުކުރާ މަންޒަރު ދައްކުވައިދޭ ލައިވް ވިޑިއޯ މީސް މީޑިއާ ގައި އާންމުކޮށްފައިވާއިރު މިހާރު ދަނީ މީސް މީޑިއާ ގައި ވައިރަލްވަމުންނެވެ.

އެ ވީޑިއޯއިން އެ މީހާ މިސްކިތް ތެރޭގައި އިސްލާމް ދީން ގަބޫލުކޮށް، މިސްކިތް ތެރޭގައި ތިބި މީހުންނާއި ސަލާމް ކުރާ މަންޒަރު ފެނިގެންދެއެވެ. އަދި އެމީހާ ޝަހާދަތުގެ ދެކަލިމަ ލައިދީ، ޝަހާދަތުގެ ދެކަލިމައިގެ މާނަ ވެސް އިނގިރޭސިބަހުން ވަނީ ކިޔައިދީފައެވެ.

މަދުންނަމަވެސް ރާއްޖޭގައި ދިރިއުޅޭ ބިދޭސީން މިހާރު އަންނަނީ އިސްލާމްދީން ގަބޫލުކުރަމުންނެވެ.