ސުޝާންތުގެ މަރާއި ގުޅިގެން ޝާހްރުުކް ޚާން ކުރި ޕޯސްޓުގައި ގޫގްލް ފޮޓޯއެއް ބޭނުން ކުރުމުން ހޫނުފެނަށް!
އާއްމުގޮތެއްގައި ބޮލީވުޑްގެ ސުޕާސްޓާ އަދި "ކިންގް ޚާން" ކަމުގެ ލަގަބު ދީފައިވާ ޝާހަރުކް ޚާން އަކީ ވަރަށް ގިނަ ބައެއްގެ ލޯބި ލިބިފައިވާ ފަންނާނެކެވެ.
ނަމަވެސް ސުޝާންތުގެ މަރާއި ގުޅިގެން ބެލުންތެރިން އައިސްފައިވާ ރުޅީގައި ޝާހްރުކް ވެސް މިހާރު މިވަނީ ކޮންމެވެސް ވަރަކަށް ނަމަވެސް "ކުށްވެރި" ވެފައެވެ.
ސުޝާންތު މަރުވުމާއި ގުޅިގެން އެހެން ގިނަ ތަރިންނެކޭ އެއްފަދައިން ޝާހްރުކް ޚާން ވެސް ވަނީ އޭނާ މަތިން ހަނދާންވާނެ ކަމަށް ބުނެ، ދެމީހުން އެކުގައި ތިބި ފޮޓޯއަކާއިއެކު، ސޯޝަލް މީޑިއާގައި ޕޯސްޓެއް ކޮށްފައެވެ.
އޭގަައި ޝާހުރުކް ޖަހާފައިވަނީ ސުޝާންތު އޭނާދެކެ ވަރަށް ބޮޑަށް ލޯބިވި ކަމަށާއި ސުޝާންތުގެ ހިތްވަރާއި، ކުރާހިތްވާ ކަމެއް ކުރުމުގެ ޝައުޤުވެރިކަން ހުރުމާއި އަދި އޭނާގެ ހިނިތުންވުން މަތިން ވަރަށް ހަނދާންވާނެ ކަމަށެވެ.
ޝާހުގެ އެޕޯސްޓު ކިތަންމެ ރީތި ނަމަވެސް، އެއަށްލާފައި އިން ފޮޓޯ ފެނުމުން ގިނަ ބައެއްގެ ނުރުހުން ވަނީ އަމާޒުވެފައެވެ.
އެޕޯސްޓުގައި ޝާހްރުކް ޚާން ލާފައިވަނީ ގޫގްލްެއިން ނަގާފައިވާ ފޮޓޯއެއްގެ ސްކްރީން ޝޮޓެއްކަން ހާމަވެއެވެ.
އެކަން އެހެން މީހަކުވެސް ފާހަގަކޮށް ޝާހުއަށް ވަނީ ވަރަށް ފާޑު ކިޔާފައެވެ.
އެގޮތުން އެމީހާ ބުނެފައިވަނީ ޝާހަރުކް ޚާންގެ ފޯނުގައި ސުޝާންތާއެކު ނަގާފައިވާ ފޮޓޯއެއްވެސް ނެތީ، އަދި ގޫގްލްއިން ފޮޓޯއެއް ބޭނުން ކުރުމުން ޝާހުރުކްއަށް ސުޝާންތު މުހިންމުވީ ވަރު ހާމަވާ ކަމަށެވެ. އަދި އެއީ ގޫގްލް ފޮޓޯއެއްގެ ސްކްރީންޝޮޓެއް ކަމުން، ދެން ފަހަރަކުން ގޫގްލްއިން ފޮޓޯއެއް ރަނގަޅަށް ނަގަން ދަސްކުރުމަށްވެސް އެމީހާ ބުނެފައިވެއެވެ.
ސުޝާންތު އާމެދު ބޮލީވުޑްގެ ގިނަ ތަރިން ޢަމަލު ކުރީ ވަރަށް ގޯސްކޮށް ކަމަށާއި ގަސްތުގައި އޭނައަށް ގަނާކޮށް ބާކީ ކުރި ކަމުގެ އަޑުތަކެއް ވަނީ ފެތިރިފައެވެ.
Ads by STO
