ފިޓްފާޒިލް ގެ ގިވްއަވޭ ގެ ނަސީބުވެރިއަކަށް ޝަރުމީލާ، ގިނަ ބަޔަކު ކަރުނަ އަޅާ ރޮނީ
ފާއިތުވި ދުވަސްތަކުގައި މީސް މީޑިއާ ގައި އެންމެ ގަދައަށް ދެކެވުނު އެއް ވާހަކަ އަކީ ފިޓްފާޒިލް ގެ ގިވްއަވޭ ގެ ވާޙަކައެެވެ. މިއީ މިހާތަނަށް ރާއްޖޭގައި ފަރުދަކު ދިން އެންމެ އަގުބޮޑު ގިވްއަވޭ އަސް ވުމާއެކުގައިވެސް މެއެވެ.
ޖޫން މަހުގެ 20 ވަނަ ދުވަހާ ހަމައަށް ހުޅުވާލާފައި އޮތް ގިވްއަވޭ ގެ ނަސީބުވެރިޔާ މިއަދު ވަނީ ހޮވާފައެވެ. އެތައް ހާސް މީހުންގެ ތެރެއިން ހޮވުނު ނަސީބުވެރިޔަކީ އައިޝަތު ޝަރުމީލާ އެވެ.
ފާޒިލް މި ގިވްއަވޭ ގެ ނަސީބުވެރިޔާ ހޮވާފައިވަނީ 'އެޕް ސޯޓިއޯސް' ނަމަކަށް ކިޔާ ވެބްސައިޓެއް މެދުވެރިކޮށެވެ.
އެއްލައްކަ އަށް ވުރެ ގިނަ އެންޓްރީ ލިބިގެންދިޔަ މި ގިވްއަވޭގައި ބައިވެރިވި ގިނަ ބަޔަކު އަންނަނީ މި ގިވްއަވޭ ނުލިބުމުން މީސް މީޑިއާ ގައި އެކަމުގެ ހިތާމަފާޅުކޮށްފައެވެ.
އަގުބޮޑު މި ގިވްއަވޭ ގައި ހަދިޔާ އެއްގެ ގޮތުން ދިން އެޕަލް ބްރޭންޑުގެ މެކްބުކާއި، މެޖިކް ކީބޯޑާއި ޓްރެކްޕެޑާއި އެއާޕޮޑުގެ އިތުރުން އައިފޯނު އެކްސްއެސް މެކްސް އަށް ބެލި ކަމުގައި ވިޔަސް އޭގެ އަގު 50 ހާހަށް ވުރެ މައްޗަށް އަރާނެއެވެ.
މީގެ އިތުރުންވެސް އައިފޯނު ދެ ކަވަރު ހިމަނާފައިވާއިރު ވިކްޓޯރިއާ ސީކްރެޓުގެ ގިފްޓް ޕެކެއް ހިމަނާފައިވެއެވެ. މިއީ ނިމުނީކީ ނޫނެވެ. ވިކްޓޯރިއާ ސީކްރެޓުގެ ޓޯޓާއި، ގިއޯޖީ އަރްމާނީ ގެ ރަތް ކްލަޗާއި، ޗެނަލް ކޮކޯ ގެ ގިފްޓް ޕެކެއް ވެސް ހިިމެނެއެވެ. އަދި ގޫޗީ ޕާފިއުމް ގިފްޓް ޕެެކެއްގެ އިތުރުން ވެސް ޑިއޯ ލިޕް ގްލޯ ބާމް އާއ ޑިއޯ ޖޯއީ ސެންޓު ފުޅިއެއްގެ އިތުރުން ޑިއޮ ބްރޭންޑޫގެ ހަތަރު ލިޕްސްޓިކާއި ގިވެންޝީ ބޭގް އެއް ހިމެނެއެވެ.
މި ގިވްއަވޭ ގެ ޖުމްލަ އަގު ގާތްގަނޑަކަށް 1 ލައްކަ ރުފިޔާ އަށް އަރާނެ ކަމަށް ބެލެވެއެވެ.
