ކޮވިޑް19: މާލޭ ޖަލުގައި މަސައްކަތް ކުރާ އޮފިސަރެއް ފައްސިވެއްޖެ

މާލެ ޖަލުގައި މަސައްކަތްކުރާ އޮފިސަރެއް ކޮވިޑް-19 އަށް ފައްސިވެއްޖެއެވެ.

Ads by Hajj Corporation

މައުލޫމާތު ލިބޭ ގޮތުގައި ފައްސިވެފައިވަނީ މާލެ ޖަލުގައި މަސައްކަތްކުރާ އީއެސްޖީ އޮފިސަރެކެވެ. އަދި މިކަން މިހާރު އެޗްޕީއޭ ގެ ފަރާތުން މޯލްޑިވިއަން ކަރެކްޝަނަލް ސާވިސަސް އަށް ވަނީ އަންގާފައެވެ.

އެޗްޕީއޭ އިން މިހާރު އަންނަނީ ކޮންޓެކްޓް ޓްރޭސިން ގެ މަސައްކަތް ކުރަމުންނެވެ. މީގެ އިތުރުންވެސް އޮފިސަރުންނާއި ގައިދީން ޓެސްޓުކުރުމަށްވެސް އަންނަނީ ތައްޔާރުވަމުންނެވެ.

ރާއްޖެއިން މިހާތަނަށް ޖުމްލަ 2،150 މީހަކަށް ވަނި ކޮވިޑް19 ޖެހިފައެވެ. މީގެ ތެރެއިން 371 މީހަކަށް ގެންދަނީ ފަރުވާ ދެމުންނެވެ.