ކޮވިޑް-19: ބައްޔަށް 37 މީހަކު ފައްސިވެ، 19 މީހުން ރަނގަޅުވެއްޖެ!
ފެތުރެމުން އަންނަ ކޮވިޑް-19 އަށް ރާއްޖެއިން އިތުރު 37 މީހަކު ފައްސި ވެފައިވާއިރު، 19 މީހަކު މިބަލިން ރަނގަޅުވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނީ މިއަދު ރާއްޖެއިން ކޮވިޑް އަށް ފައްސިވީ މީހުންގެ ތެރޭޣައި ހިމެނެނީ 19 ދިވެއްސަކާއި، ބަންގްލަދޭޝްގެ 12 މީހެއްގެ އިތުރުން އިންޑިއާ ހަ މީހެއް ކަމަށެވެ.
ފައްސިވީ މީހުންގެ މިއަދަދާއެކު، ރާއްޖެއިން ކޮވިޑްއަށް ފައްސިވީ މީހުންގެ ޖުމްލަ އަދަދު 2187 އަށް ވަނީ އަރާފައެވެ.
އެމީހުންގެ ތެރެއިން ބައްޔަށް ފަރުވާ ދެމުން މިހާރު އަންނަނީ 389 މީހަކަށެވެ. އަދި މިބަލިން ރާއްޖެއިން ރަނގަޅުވީ މީހުންގެ ޖުމްލަ އަދަދު މިހާރު ވަނީ 1788 އަށް އަރާފައެވެ.
މިހާތަނަށް ކޮވިޑް-19 ޖެހިގެން ރާއްޖެއިން ނިޔާވެފައިވަނީ އަށް މީހުންނެވެ. އެއީ ބަންގްލަދޭޝްގެ ހަތަރު މީހަކާއި ހަތަރު ދިވެހިންނެވެ.