ގިވްއަވޭ ނިމުމާއެކު އެންމެން ފާޒިލް އަންފޮލޯ ކުރަނީ
ދިވެހިންގެ ތެރޭގައި ގިވްއަވޭ ތަކަކީ ވަރަށް މަގުބޫލު އެއްޗެކެވެ. ކުޑަ ކުޑަ ކަމެއް ކޮށްލައިގެން ހަދިޔާ ހޯދުމުގެ ފުރުސަތު ލިބިގެންދާއިރު ގިވްއަވޭ ބާއްވާ މީހާއަށް އޭގެ ބަދަލުގައި އެތައް ހާސް ފޮލޮވަރުންނަކާއި ލައިކެއް ލިބިގެންދެއެވެ. މައިގަނޑު ގޮތެއްގައި ގިވްއަވޭ ވެފައިވެސް އޮންނަނީ ފޮލޮވަރުން ހޯދުމަށް ބޭނުން ކުރާ އުކުޅެއްގެ ގޮތުގައެވެ.
ނަމަވެސް ގިވްއަވޭ ނިމުމާއެކު އަންފޮލޯ ކުރުމަކީ ވެސް ވަރަށް އާންމުކޮށް ހިނގާކަމެކެވެ.
ފަހުގެ ތާރީހެއްގައި ބޭއްވި އެންމެ ބޮޑު ގިވްއަވޭ އެއް ދޫކޮށްލި އެއްފަރާތަކީ އުޅެނީ ދިވެހިންގެ ތެރޭގައި ފިޓްނެސް އިން މަގުބޫލުކަން ހޯދި އަދި އަންހެން ކުދިންގެ ހިތްފަތަހަ ކުރަމުން އަންނަ އިސްމާއިލް ފާޒިލް ނުވަތަ މަޝްހޫރު ނަމުން ނަމަ ފިޓް ފާޒިލް އެވެ. ފާޒިލް ގެ ގިވްއަވޭ ގެ އަގު 1 ލައްކަ ރުފިޔާއަށް އަރާފައިވާއިރު ގިވްއަވޭ ގެ ވަގުތު ހަމަވެ، ނަސީބުވެރިޔާ މިހާރުވަނީ ހޮވާފައެވެ.
އެއްލައްކައަށް ވުރެ ގިނަ އެންޓްރީ ލިބިގެންދިޔަ ގިވްއަވޭ އިން ފާޒިލް އަށް ވަނީ ގާތްގަނޑަކަށް 23000 ވުރެ ގިނަ ފޮލޮވާސް ލިބިފައެވެ. ނަމަވެސް ގިވްއަވޭ ގެ ނަސީބުވެރިޔާ ހޮވުމާއެކު ގިނަ ބަޔަކު އަންނަނީ ފާޒިލް އަންފޮލޯ ކުރަމުންނެވެ. އަދި ގިނަ ބަޔަކު އަންނަނީ މީސް މީޑިއާގައި ވެސް ފާޒިލް އަންފޮލޯ ކުރުމަށް ގޮވާލާފައެވެ. މިހާތަނަށްވެސް 4 ހާހަށް ވުރެ ގިނަ މީހުންވަނީ ފާޒިލް އަންފޮލޯ ކޮށްފައެވެ.
