ކޯލިޝަން ދެމި އޮންނާނެ ކަމަށް ވިދާޅުވުމުން މައުމޫންގެ ޝުކުރު ރައީސަށް!
ސަރުކާރު ކޯލިޝަން ދެމި އޮންނާނެ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވުމުން އެމްއާރްއެމްގެ ރައީސް އަދި ކުރީގެ ރައީސް މައުމޫން އަބްދުލްގައްޔޫމް، އެމަނިކުފާނަށް ޝުކުރު އަދާކުރައްވައިފިއެވެ.
ރައީސް ސޯލިހު މިހެން ވިދާޅުވީ އިއްޔެ ބޭއްވި ނޫސްވެރިންގެ ބައްދަލުވުމެއްގައެވެ. އެގޮތުން ރައީސް ވިދާޅުވީ ރައްޔިތުން އިންތިހާބު ކުރީ ކޯލިޝަން ސަރުކާރެއް ކަމަށާއި ސަރުކާރު ދެމި އޮތްހާ ހިނދަކު ކޯލިޝަން ދެމި އޮންނާނެ ކަމަށެވެ.
މިކަމާ ގުޅިގެން މައުމޫން ކުރެއްވި ޓްވީޓެއްގައި ވިދާޅުވީ މިއީ ކޯލިޝަން ސަރުކާރެއްކަން ހާމަކުރައްވައި އަދި ކޯލިޝަން ދެމި އޮންނާނެ ކަމަށް ވިދާޅުވުމުން އެމްއާރްއެމްގެ ފަރާތުން ރައީސް ސޯލިހަށް ޝުކުރު ދަންނަވާ ކަމަށެވެ.
On behalf of MRM, I thank the President @ibusolih for assuring the nation that this is a coalition government and that the coalition will remain. @presidencymv @MRM_Office @MRM_Youth @ElectionsMv
— Maumoon Abdul Gayoom (@maumoonagayoom) June 23, 2020
ރައީސް ސޯލިހު ވިދާޅުވީ ހައުސިން މިނިސްޓްރީ އުވާލުމަށް ނިންމެވީ އެއްމަސައްކަތެއް ދެ މިނިސްޓްރީން ކުރެވޭތީ އެމަސައްކަތް ހަލުވި ކުރެވޭނީ އެގޮތުން ކަމަށް ގަބޫލުކުރެވޭތީ މަޝްވަރާ ކުރުމަށް ފަހުގައި ކަމަށެވެ.
