މާލޭގެ ތޮއްޖެހުމަށް ހައްލު އައުމަކީ ގޯތިގެދޮރުގެ ވިޔަފާރި ކުރާ މީހުން ބޭނުންވާނެ ކަމެއް ނޫން: އަލީ ހުސައިން
މާލޭގެ ތޮއްޖެހުމަށް ހައްލު އައުމަކީ ގޯތިގެދޮރުގެ ވިޔަފާރި ކުރާ މީހުން ބޭނުންވާނެ ކަމެއް ނޫން ކަމަށް ކެންދޫ ދާއިރާގެ މެމްބަރު އަލީ ހުސައިން ވިދާޅުވެއްޖެއެވެ.
އަލީ ހުސައިން މިހެން ވިދާޅުވީ ހުޅުމާލޭގެ ދެވަނަ ފިޔަވަހީގައި ހިޔާ މަޝްރޫއުގެ ދަށުން އިމާރާތްކޮށްފައިވާ 7،000 ފްލެޓާ ގުޅޭ ގޮތުން ގިނަ ބަޔަކު ހިޔާލު ތަފާތުވެފައިވާ ދަނޑިވަޅެއްގައެވެ.
އެގޮތުން ހުސައިން ކުރެއްވި ޓްވީޓެއްގައި ވިދާޅުވީ އެއްވެސް އިންސާނަކު ތިމާއަށް ލިބެން އޮތް މަންފާޢެއް ފިލާ ދިއުމަކަށް ނޭދޭނެ ކަމަށާއި ނަތީޖާއަކީ ނިކަމެތީން އިތުރަށް ބިކަވެ ބޯހިޔާވަހިކަމަށް ތަޅާފޮޅަން މަޖުބޫރުވުން ކަމަށެވެ.
"މާލޭގެ ތޮއްޖެހުމަށް ހައްލު އައުމަކީ ގޯތިގެދޮރުގެ ވިޔަފާރި ކުރާ އެއްވެސް މީހަކު ހިތުން ރުހުމުން ބޭނުންވާނެ ކަމެއް ނޫން. ޢެއްވެސް އިންސާނަކު ތިމާއަށް ލިބެން އޮތް މަންފާޢެއް ފިލާ ދިއުމަކަށް ނޭދޭނެ. ނަތީޖާއަކީ ނިކަމެތީން އިތުރަށް ބިކަވެ ބޯހިޔާވަހިކަމަށް ތަޅާފޮޅަން މަޖުބޫރުވުން.
މާލޭގެ ތޮއްެޖެހުމަށް ހައްލު އައުމަކީ ގޯތިގެދޮރުގެ ވިޔަފާރި ކުރާ އެއްވެސް މީހަކު ހިތުން ރުހުމުން ބޭނުންވާނެ ކަމެއް ނޫން. ޢެއްވެސް އިންސާނަކު ތިމާއަށް ލިބެން އޮތް މަންފާޢެއް ފިލާ ދިއުމަކަށް ނޭދޭނެ. ނަތީޖާައަކީ ނިކަމެތީން އިތުރަށް ބިކަވެ ބޯހިޔާވަހިކަމަށް ތަޅާފޮޅަން މަޖުބޫރުވުން.
— Ali Hussain (@AleeVoice) June 25, 2020
ފްލެޓްތަކުގެ ކޮޓަރިތައް ކުދި ކަމަށް ބުނެ ހިޔާ މަޝްރޫއަށް ސަރުކާރުން ދަނީ އެކި ގޮތްތޮތަށް ފާޑުކިޔަމުންނެވެ.
އެގޮތުން ރައީސް އިބްރާހިމް މުހައްމަދު ސޯލިހު ވަނީ އެ ފްލެޓްތައް ބޭރުން ފޮޓޯ ނަގަން ރަނގަޅު ކަމަށާއި ނަމަވެސް އެއީ މީހުން އުޅެން ކަމުދާ ތަނެއް ނޫން ކަމަށް ވިދާޅުވެފައެވެ.
އަދި ފްލެޓްތައް އާންމުންނަށް ދިނުމަށް ހަމަޖެހިފައިވަނީ މުށި ނުޖަހާ ދޮރުތައްވެސް ހަރުނުކޮށް ކަމަށާއި އެއީ މަޝްރޫއުގެ އަގުގައި ނުހިމެނޭ ގޮތަށް ވަކިން ކުރަންޖެހޭ ކަމަަކަށްވާއިރު އެކަން ބަދަލު ކުރުމަށް މި ސަރުކާރުން މަސައްކަތް ކުރި ކަމަށްވެސް ރައީސް ވިދާޅުވިއެވެ. ނަމަވެސް މިހާރު ނިންމާފައިވަނީ އެ ހުރި ގޮތަށް އޭގެ ހައްގުވެރިންނަށް ފްލެޓްތައް ދިނުން ކަމަށް ރައީސް ވަނީ ވިދާޅުވެފައެވެ.
