ސަމާލުކަން ހޯދުމަށް ގޭގައި ގެންގުޅޭ ކުއްތާގެ ފައި ބިންދާލައިފި

އިންސްޓަގްރާމް ފޮލޯވަރުންގެ އަދަދު ގިނަ ކުރަން، ގޭގައި ގެންގުޅޭ ކުއްތާގެ ފައި ބިންދާލި މީހެއް ހައްޔަރު ކޮށްފިއެވެ.

Ads by Sosun Fihaara

ޖޯޖިއާގެ މި މީހާ ވަނީ ސަމާލުކަން ހޯދުމަށް، އިންސްޓަގްރާމް ލައިވް އެއްގައި އޭނާ ގެންގުޅޭ ކުއްތާގެ ފައި ބިންދާލައި ގިނަ އަނިޔާތަކެއް ދީފައެވެ.

އުމުރުން 20 އަހަރުގެ ބްރިޓްނީ ނަމަކަށް ކިޔާ މި މީހާ ވަނީ އެ ކުއްތާގެ ލޮލަށް ބޮޑީ ސްޕްރޭ ޖަހައި، ކަންފަތުގައި ހިފައި ހޫރުވާފައެވެ. އޭނާ ދިން އަނިޔާތަކުގެ ސަބަބުން އެކުއްތާގެ ފައި ބިނދިފައިވާ ކަމަށް ރިޕޯޓުތައް ބުނެއެވެ.

ބްރިޓްނީގެ މި އަމަލާ ގުޅިގެން ގިނަ އަދަދެއްގެ އާންމުން ވަނީ ފުލުހުންނަށް ގުޅައި އޭނާގެ މައްސަލަ ރިޕޯޓް ކޮށްފައެވެ.

މިދިޔަ މަހުގެ 22 ވަނަ ދުވަހު ބްރިޓްނީ ހައްޔަރުކުރިއިރު އޭނާވަނީ އޭނާ އަނިޔާކުރި ކުއްތާ ވެސް އެ ސިޓީގެ ޖަނަވާރުންނާ ބެހޭ އިދާރާއާ ހަވާލުކޮށްފައެވެ.