އާދަމް ޝަރީފްގެ ރައްދު ނަޝީދަށް: ލަކުނޑި ކާޅަކަށް ދޮންކޭލެއް ނުކެވޭނެ!
ވައުދުތައް އެންމެ ރަނގަޅަށް ފުއްދޭނީ އެކަން ކުރަން އެނގޭ ބަޔަކަށް ކަމަށް މަޑުއްވަރީ ދާއިރާގެ މެމްބަރު އަދި ޕީއެންސީގެ ނައިބް ރައީސް އާދަމް ޝަރީފް އުމަރު ވިދާޅުވެއްޖެއެވެ.
އާދަމް ޝަރީފް މިހެން ވިދާޅުވީ ހުރިހާ ސިޔާސީ ޕާޓީއެއް ރޫޅިފައިވާ ކަމަށާއި އަދިވެސް ކަންކަން ކުރެވޭނީ ހަމައެކަނި އެމްޑީޕީ އަށް ކަމަށް އެޕާޓީގެ ރައީސް، ރައީސް މުހައްމަދު ނަޝީދު ވިދާޅުވުމާ ގުޅިގެން އެކަމަށް ރައްދު ދެއްވަމުންނެވެ.
އެގޮތުން އާދަމް ޝަރީފް ކުރެއްވި ޓްވީޓެއްގައި ވިދާޅުވެފައި ވަނީ، ރާއްޖޭގެ ގިނަ ބަޔަކު އެދޭ ފަދަ ތަރައްގީއެއް މިހާތަނަށް ގެނެސްދިނީ ޕީޕީއެމްއިން ކަމަށާއި ވައުދުތައް އެންމެ ރަނގަޅަށް ފުއްދޭނީ އެކަން ކުރަން އެނގޭ ބަޔަކަށް ކަމަށެވެ. އަދި 2023ގައި ރާއްޖޭގައި ވެރިކަން ކުރާނީ ރައީސް އަބްދުﷲ ޔާމީން ކަމަށްވެސް އޭނާ ވިދާޅުވިއެވެ.
"ލަކުޑި ކާޅަކަށް ދޮންކޭލެއް ނުކެވޭނެ." އާދަމް ޝަރީފް ވިދާޅުވިއެވެ.
Lakudi kaalhakah dhonkeyleh nukeveyne! Raajjeyge gina bayaku edheyfadha tharaqqee eh mihaathanah genesdhinee PPM in. Vaudhuthah emme rangalhah fudhdheynee ekan kuran engey bayakah! E ee PPMPNC. 2023 gai verikan kuraanee RY, IA. https://t.co/J2mAFtpU3i
— Adam Shareef Umar (@Adamshareefz) June 26, 2020
އިއްޔެ އެމްޑީޕީ އަށް ވަނީ 15 އަހަރު ފުރުމުގެ މުނާސަބަތުގައި ނަޝީދު ކުރެއްވި ޓްވީޓެއްގައި ވިދާޅުވީ އަދިވެސް ކަންކަން ކުރެވޭނީ އެމްޑީޕީ އަށް ކަމަށެވެ. ނަޝީދު ވިދާޅުވީ އެމްޑީޕީގެ 15 އަހަރުގެ ހަޔާތުގައި ދެ ފަހަރަށް ރާއްޖޭގެ ވެރިކަން ކުރެވިފައިވާ ކަމަށާއި ހުރިހާ ސިޔާސީ ވާދަވެރިން ރޫޅިފައިވާ ކަމަށެވެ.
