ކަސޯޓީ އާ އެހެން ޑްރާމާތައް އެނބުރި އަންނަނީ
ކޮރޯނާ ވައިރަސް ގެ ބަލިމަޑުކަމާއި ގުޅިގެން ޝޫޓިންތައް ހުއްޓާލުމަށް އަންގާފައި އޮންނަތާ ތިން މަސް ފަހުން، ޝޫޓިންތައް ފެށުމުގެ ހުއްދަ ދީފިއެވެ. ހުއްދަ ދިނުމާއެކު ގިނަ ޝޯތަކަކާއި ޑްރާމާ ތަކެއްގެ ޝޫޓިން ވަނީ މިހާރު ފަށާފައެވެ.
އެގޮތުން ޝޫޓިން ފެށި އެންމެ ފާހަގަކޮށްލެވޭ އެއް ޑްރާމާ އަކީ ސްޓާޕްލަސް އިން ދައްކަމުން އަންނަ "ކަސޯޓީ ޒިންދަގީ ކޭ" އެވެ. ޝޫޓިން ތައް ފަށާފައިވާ ކަން ކަސޯޓީ ގެ ބަތަލު ޕާތު ސަމްތާން ވަނީ އިންސްޓްގަރާމް ގައި ހިއްސާކޮށްފައެވެ. އެގޮތުން ޝޫޓިންގަށް އެނބުރި އައިސްފައި ވަނީ ބަރާބަރު ތިން މަސް ދުވަސް ފަހުން ކަމުގައި ކަމަށާއި ޝޫޓިން ހުއްޓިފައި އޮންނަތާ 100 ދުވަސް ވެފައިވާ ކަމަށް ޕާތު ބުނެފައިވެއެވެ.
ކަސޯޓީގެ އިތުރުން ވެސް ނާގިން 4، "ޕަވިތުރަ ބާގްޔާ" އާއި "ޔޭ ރިޝްތާ ކިޔާ ކެހެލާތާހޭ"، "ޔޭ ޖާދޫ ހޭ ޖިން ކާ"، "ކުންޑަލީ ބާގްޔާ"، "ކުމްކުމް ބާގްޔާ"، ފަދަ ގިނަ ޝޯ ތަކެއްގެ ޝޫޓިން ވެސް ވަނީ ފަށާފައެވެ.
މި ޑްރާމާ ތަކުގެ ޝޫޓިން އަލުން ފަށާފައިވީ ނަމަވެސް ޝޫޓިންގްތަކުގައި ބައިވެރިކުރަނީ ކުރޫންގެ ތިންބައިކުޅަ އެއްބައެވެ. އަދި ފޭސްމާސްކާއި އެނޫން ވެސް ރައްކާތެރިމުގެ ފިޔަވަޅުތައް އެޅުން ވަނީ މަޖުބޫރުކޮށްފައެވެ.
ކޮވިޑް19 އާއި ގުޅިގެން ޝޫޓިން ތައް ހުއްޓާލާފައިވަނީ މާޗް މަހުގެ 18 ވަނަ ދުވަހުއެވެ.
