މިފަހަރު ކެމެރާތައް ތައިމޫރް އަކަށްނޫން، ކަރީނާ ލައިގެންހުރި ރެއިންބޯ ޓީޝާޓަށް!
އާއްމުގޮތެއްގައި ބޮލީވުޑްގެ މަޝްހޫރު އެކްޓްރެސް ކަރީނާ ކަޕޫރް ޚާން އޭނަގެ ދަރިފުޅު ތައިމޫރް އަލީ ޚާން ޕަޓައުޑީ ގޮވައިގެން ބޭރަށް ނިކުމެއްޖެނަމަ، ޕަޕަރާޒީންގެ ކެމެރާތައް އަމާޒުވާނީ ތައިމޫރް އަށެވެ.
ނަމަވެސް މިފަހަރު ކެމެރާތައް އަމާޒުވެ ގިނަ ފޮޓޯތައް ނެގެމުން ދިޔައީ ކަރީނާ ގެއެވެ. ނަމަވެސް ފޮޓޯގްރާފަރުން ތައުރީފު ކުރަމުން، ސުވާލު ކުރަމުން ގެންދިޔައީ ކަރީނާ ލައިގެންހުރި ރެއިންބޯ ޑިޒައިންގެ ޓީޝާޓަށެވެ.
ފިރިމީހާ ސައިފް އަލީ ޚާން އާއި ދަރިފުޅާއެކު ހިނގާލަން ނިކުމެ އުޅެނިކޮށް ކަރީނާމެންގެ ފޮޓޯ ނަގާފައިވާއިރު، އެޓީޝާޓަކީ މަޝްހޫރު ޑިޒައިނަރެއް ކަމަށްވާ ރަލްފް ލޯރަން ގެ ބްރޭންޑެއް ކަމަށް ކަރީނާ ވަނީ މައުލޫމާތު ދީފައެވެ.
ސައިފް ލައިގެން ހުރީ ހުދު ކުރުތާއެކެވެ. ނަމަވެސް ޑިޒައިން ކޮށްފަ ހުރި މާސްކެއް އަޅާފައި ހުރުމުން، ސައިފްގެ ހެދުންވެސް ވަރަށް ސްޓައިލިޝް ކަމަށް ދައްކައެވެ.
Ads by STO
