އިންތިހާބު ބާއްވަން އޮތް ދުވަހަށް ބަދަލެއް ނުގެންނާނެ: ރައީސް ނަޝީދު
ލޯކަލް ކައުންސިލް އިންތިހާބު ބާއްވަން ތާވަލް ކޮށްފައި އޮތް ތާރީހުގައި އިންތިހާބު ބާއްވާނެ ކަމަށް ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ރައީސް ނަޝީދު ވިދާޅުވީ ކައުންސިލް އިންތިހާބަކީ މިހާރު ސްކޫލް ކުދިންނަށް ދޭ ހޯމް ވޯކެކޭ އެއްފަދަ ވެފައިވާ ކަމަށެވެ. އަދި މިހާރު ހޯމް ވޯކް ހަދާނީ ތޯ ނުހަދާނީ ތޯ ވިސްނަމުން އަންނަ ކަމަށެވެ.
"އަޅުގަނޑު ކޮމިޝަނާ އޮފް އިލެކްޝަންސްއަށް ވެސް އަދި ހުރިހާ ހޯމްވޯކް ހަދާ ކުދިންނަށް ވެސް ދަންނަވަން އޮތީ މިހާރު މި އޮތީ ހޯމް ވޯކް ދީފަ. ދެން އެ ނިންމައިގެން އަވަހަށް އަންނާށޭ. އެ ނޫން ގޮތެއް މިއަކު ނެތޭ." ރައީސް ނަޝީދު ވިދާޅުވިއެވެ.
ރައީސް ނަޝީދު އިތުރަށް ވިދާޅުވީ އިންތިހާބު ބާއްވަން ތާވަލް ކުރި ތާރީހުގައި އިންތިހާބު އޮންނާނެ ކަމަށާ އެއަށް ބަދަލެއް ނުގެންނާނެ ކަމަށެވެ.
