ކޮރޯނާ ވައިރަސް އިން ސަލާމަތްކޮށްދޭ އެއްޗެހި ހުރީ އިންޑިއާ ގައި: މޯދީ
ކޮރޯނާ ވައިރަސް ގެ ސަބަބުން ދުނިޔޭގެ އެންމެން ވެސް މިހާރު މަސައްކަތް ކުރަމުން އަންނަނީ ދިފާއީ ނިޒާމު ވަރުގަދަ ކުރުމަށް ކަމަށާއި ދިފާއީ ނިޒާމު ވަރުގަދަ ކުރުމަށް ބޭނުންވާ ހުރިހާ އެއްޗެއް ވެސް ވަނީ އިންޑިއާ އާ ގުޅިފައި ކަމުގައި އިންޑިއާގެ ބޮޑު ވަޒީރު ނަރެންދްރަ މޯދީ ވިދާޅުވެއްޖެއެވެ.
މޯދީ މިހެން ވިދާޅުވީ ދިފާއީ ނިޒާމު ވަރުގަދަކޮށްދޭ ބައެއް މާއްދާތައް ކަމުގައިވާ ރީނދުލާއި އިނގުރު ފަދަ އެއްޗެހީގެ ޑިމާންޑު އޭޝިއާ ގެ އިތުރުން އެމެރިކާ ގައި ވެސް އިތުރުވެފައިވާ ކަމަށް އޮތް ރިޕޯޓަކާއި ގުޅިގެންނެވެ.
އެގޮތުން މޯދީ ވަނީ މިކަމުގައި ގައުމުތަކަށް ފަސޭހަވާނެ ގޮތަކަށް މުއާމަލާތުކޮށް، މިއީ އަމިއްލަ ކަމެއް ކަމުގައި ދެކި އެހެން ގައުމުތަކަށް އެހީވާނެ ކަމަށްވެސް ހާމަކޮށްފައެވެ.
އިންޑިއާ އަކީ ކޮވިޑް19 އެންމެ ހަލުވިކަމާއެކު މިހާރު ފެތުރެމުން އަންނަ އެއް ގައުމުކަން ފާހަގަކޮށްލަން ޖެހެއެވެ.
