ކޮވިޑް-19: 11 ވަނަ މީހާ ރާއްޖެއިން ނިޔާވެއްޖެ!

ކޮވިޑް-19 ޖެހިގެން އިތުރު މީހަކު ރާއްޖެއިން ނިޔާވެއްޖެއެވެ.

Ads by Sosun Fihaara

އެޗްޕީއޭ އިން ބުނެފައިވާ ގޮތުގައި ކޮވިޑް-19 ޖެހިގެން މީގެ އިރުކޮޅެއް ކުރިން ނިޔާވީ އުމުރުން 77 އަހަރުގެ ދިވެހި އަންހެނެކެވެ.

އަންހެންމީހާ ނިޔާވެފައިވަނީ ދަރުމަވަންތަ ހޮސްޕިޓަލުގެ އައިސީޔޫ ގައި ފަރުވާ ދެމުން ދަނިކޮށް މިރޭ 1:52 ގައެވެ.

މިރޭ ނިޔާވި އަންހެން މީހާއާއެކު، ކޮވިޑް-19 ޖެހިގެން މިހާރު ރާއްޖެއިން ނިޔާވި މީހުންގެ އަދަދު މިވަނީ 11 އަށް އަރާފައެވެ. އެއީ ހަތް ދިވެހިންނާއި ހަަތަރު ބިދޭސީންނެވެ.

ރާއްޖެއިން މިހާތަނަށް 2435 މީހަކަށް މިބަލި ޖެހިފައިވާއިރު، ބަލިން ރަނގަޅު ވެފައިވަނީ 2030 މީހުންނެވެ.