ދިވެހިން ރަހީނުކުރި މައްސަލަ އާއި ބިދޭސީންނަށް މުސާރަ ނުދިން މައްސަލަވެސް ބަލަން ޖެހޭނެ: ޝަހީމް
ބ. ބޮޑުފިނޮޅުގައި މަސައްކަތް ކުރާ ބިދޭސީންތަކެއް 12 ދިވެހިން ރަހީނުކޮށް ހަމަނުޖެހުން ހިންގި މައްސަލައާއި އެމީހުންނަސް މުސާރަ ނުދޭ މައްސަލަވެސް ބަލައި ތަހުޤީޤު ކުރަން ޖެހޭ ކަމަށް ކުރީގެ އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސަޢީދު ވިދާޅުވެއްޖެ އެވެ.
ބޮޑުފިނޮޅުގައޮ މަސައްކަތްކުރާ ބިދޭސިންތަކެއް، މުސާރަ ނުލިބޭ މައްސަލާގައި ހަމަނުޖެހުން ހިންގާ މުދަލަށާއި އިމާރާތްތަކަށް ގެއްލުންދީ، އެރަށުގައި މަސައްކަތްކުރި ދިވެހިންތަކެއް ރަހީނުކުރުމާ ގުޅިގެން 19 ބިދޭސީއަކު ވަނީ ހައްޔަރު ކޮށްފައެވެ.
މި މައްސަލައާ ގުޅިގެން ޝަހީމް ކުރެއްވި ޓްވީޓެއްގައި ވިދާޅުވީ ބިދޭސީން ދިވެހިންތަކެއް ރަހީނު ކުރި މައްސަލަ ބަލައި ފިޔަވަޅު އަޅަންޖެހޭ. ފަހެ، އެއާއެކު، އެތައް މަސް ވަންދެން އެ ބިދޭސީންނަށް މުސާރަ ނުދީ ބުރަ މަސައްކަތް ކުރުވައި ލާ އިންސާނީ ޖަރީމާ ހިންގި ފަރާތްތަކުގެ މައްސަލަ ވެސް ބަލައި އިންސާފު ޤާއިމުކޮށް ނިކަމެތިންގެ ޙައްޤު ހޯދައިދޭންޖެހޭ ކަމަށެވެ
ބިދޭސީން ދިވެހިންތަކެއް ރަހީނު ކުރި މައްސަލަ ބަލައި ފިޔަވަޅު އަޅަންޖެހޭ. ފަހެ، އެއާއެކު، އެތައް މަސް ވަންދެން އެ ބިދޭސީންނަށް މުސާރަ ނުދީ ބުރަ މަސައްކަތް ކުރުވައި ލާ އިންސާނީ ޖަރީމާ ހިންގި ފަރާތްތަކުގެ މައްސަލަ ވެސް ބަލައި އިންސާފު ޤާއިމުކޮށް ނިކަމެތިންގެ ޙައްޤު ހޯދައިދޭންޖެހޭ.
— Mohamed Shaheem Ali Saeed (@Mohamedshaheem1) July 4, 2020
ބިދޭސިން ކޮންޓްރޯލު ކުރުމަށް ފުލުހުން އެރަށުގައި ހިންގި އޮޕަރޭޝަނުގައި ފުލުހުންގެ އޮފިސަރުންނަށްވެސް އަނިޔާވިއިރު، ބޮޑުފިނޮޅުގައި މަސައްކަތް ކުރަމުންދާ މީހުންގެ ހަތަރު މަސް ދުވަހުގެ މުސާރަ ކޮވިޑް19 އާ ގުޅިގެން ނުދެވި ވާ ކަމަށް އެތަނުގައި މަސައްކަތް ކުރަމުންދާ ކުންފުނީގެ މެނޭޖިންގް ޑިރެކްޓަރު، މިލަންދޫ ދާއިރާގެ މެމްބަރު އަލީ ރިޒާ ވަނީ ވިދާޅުވެފަ އެވެ.
