އެމެރިކާ މީހުން އިންޑިއާ ދެކެ ވަރަށް ލޯބިވޭ: ޓްރަމްޕް
އެމެރިކާ އިން އިންޑިއާ ދެކެ ވަރަށް ލޯބިވާ ކަމުގައި އެމެރިކާގެ ރައީސް ޑޮނާލްޑު ޓްރަމްޕް ބުނެފިއެވެ.
ޓްރަމްޕް މިހެން ބުނެފައިވަނީ އެމެރިކާގެ މިނިވަން ދުވަސް ގެ ގޮތުގައި ފާހަގަކުރާ ޖުލައި މަހުގެ 4 ވަނަ ދުވަހުގެ މުނާސަބަތުގައި އިންޑިއާ ގެ ބޮޑުވަޒީރު ނަރެންދްރާ މޯދީ އެމެރިކާ އަށް ކީ މިނިވަން ދުވަހުގެ ތަހުނިޔާގެ ޖަވާބު ދެމުންނެވެ.
މޯދީގެ ތަހުނިޔާގައި ޓްރަމްޕާއި އެމެރިކާ ރައްޔިތުންނަށް އެގައުމުގެ 244 ވަނަ މިނިވަން ދުވަހުގެ ތަހުނިޔާ އަރިސްކޮށްފައިވެއެވެ. އަދި ދުނިޔޭގައި އޮތް އެންމެ ބޮޑު ޑިމޮކްރަސީ އިން މި ދުވަހު މިނިވަންކަން ފާހަގަކޮށް އުފާކުރާ ކަމުގައި ވެސް މޯދީ ބުނެފައިވެއެވެ.
އިންޑިއާ އާއި އެމެރިކާ ގެ ގުޅުން ވަނީ ފަހަކަށް އައިސް ވަރަށް ރަނގަޅުވެފައެވެ. މިގޮތުން އެންމެ ފާހަގަކޮށްލެވުނު އެއް ކަމަކީ މިދިޔަ އަހަރުގެ ތެރޭގައި އެމެރިކާގެ ރައީސް ޑޮނާލްޑް ޓްރަމްޕް އެމެރިކާ އަށް ކުރި ދަތުރެވެ.
