ހޯމް މިނިސްޓަރު އިމްރާންގެ ގެކޮޅު ކައިރީ ރައީސް ޔާމީންގެ ސަޕޯޓަރުން މުޒާހަރާ ކުރަން ފަށައިފި
ހޯމް މިނިސްޓަރު އިމްރާންގެ ގެކޮޅު ކައިރީ ރައީސް އަބްދުﷲ ޔާމީނަށް ތާއީދު ކުރާ ފަރާތްތަކުން މުޒާހަރާ ކުރަން ފަށައިފިއެވެ.
ރައީސް ޔާމީނަށް ކުރާ އަނިޔާ ހުއްޓާލުމަށް ގޮވާލައި އިމްރާން ދިރިއުޅުއްވާ ބެޗް ފެލްޓުތަކުގެ ކައިރީ މުޒާހަރާ ކުރަން ފަށާފައިވަނީ މިރޭ ނުވައެއް ޖަހާކަން ހާއިރުއެވެ. ޖަހާއިރުއެވެ.
މަނީ ލޯންޑަރިންގެ ކުށް ސާބިތުވެ ފަސް އަހަރު ދުވަހުގެ ޖަލުހުކުމެއް ތަންފީޒު ކުރައްވަމުން ގެންދަވާ ރައީސް ޔާމީން މިނިވަން ކުރުމާ މެދު ދެވަނަ ވިސްނުމަކަށް ދާން ޖެހޭ ވަރުގެ ހަރަކާތްތަކެއް ހިންގާނެ ކަމަށް އިދިކޮޅު ޕީއެންސީގެ ރައީސް އަބްދުއްރަހީމް އަބްދުﷲ (އަދުރޭ) މިއަދު ވަނީ ވިދާޅުވެފައެވެ.
ރައީސް ޔާމީންގެ ވަކީލުންގެ ޓީމުގައި އިސްކޮށް އުޅުއްވާ ކުރީގެ ނައިބު ރައީސް ޑރ. މުހައްމަދު ޖަމީލް އަހްމަދު މިއަދު ވިދާޅުވި ގޮތުގައި ރައީސް ޔާމީންގެ ސިއްހީ ހާލުކޮޅު މިހާރު ވަނީ ގޯސްވެފައެވެ. އެމަނިކުފާނަށް ހިނގާބިނގާވެ އުޅެން ވެސް މިހާރު ދަތިކަމަށް އޭނާ ވިދާޅުވިއެވެ.
