އައިޖީއެމްއެޗްގެ އިތުރު 2 މުވައްޒަފަކާއި ހޮސްޕިޓަލުން ދޫކޮށްލި ދެ މީހަކު ފައްސި ވެއްޖެ
އައިޖީއެމްއެޗްގެ އިތުރު ދެ މުވައްޒަފަކާއި ހޮސްޕިޓަލުން ދޫކޮށްލި ދެ މީހަކު ކޮވިޑް-19 އަށް ފައްސި ވެއްޖެއެވެ.
މިރޭ ބޭއްވި ނޫސްވެރިންގެ ބައްދަލުވުމުގައި އެޗްއީއޯސީގެ ތަރުޖަމާނު ޑރ. ނަޒްލާ ރަފީގް ވިދާޅުވީ، އައިޖީއެމްއެޗްއިން އިތުރު ދެ ސްޓާފުންނާއި ހޮސްޕިޓަލުން ފަރުވާ ދިނުމަށް ފަހު ދޫކޮށްލި ދެ ބަލި މީހުންވެސް ފައްސިވެފައިވާ ކަމަށެވެ.
މި ހަތަރު މީހުންނާއެކު އައިޖީއެމްއެޗުން ޖުމްލަ 15 މީހަކު މިހާތަނަށް ވަނީ ކޮވިޑަށް ފައްސިވެފައެވެ.
މިދިޔަ ބުރާސްފަތި ދުވަހުގެ ރޭ އިންޑޮނޭޝިއާ މީހާ މަރުވީ ކޮވިޑަށް ފައްސިވެގެން ކަމަށް އެންމެ ފުރަތަމަ އެޗްޕީއޭއިން އިއުލާނު ކުރުމަށް ފަހު ފަހުން ބުނެފައިވަނީ އެގޮތަށް އިއުލާނު ކުރެވުނީ އޮޅުމަކުން ކަމަށެވެ. އޭނާ ކޮވިޑަށް ފައްސިވީވީ ނަމަވެސް، އެޗްޕީއޭ އިން ނިންމާފައިވަނީ، އޭނާ މަރުވި ސަބަބަކީ ކެންސަރު ބަލި ކަމަށެވެ.
އައިޖީއެމްއެޗުން އިއްޔެ ބުނި ގޮތުގައި އިންޑޮނޭޝިއާ މީހާ ކޮވިޑަށް ފައްސި ވެފައިވުމުން އެ ކަމާ ގުޅިގެން ހެދި ކޮންޓެކްޓް ޓްރޭސިންގެ ތެރެއިން 11 މީހަކު ހޮސްޕިޓަލުގެ ތެރެއިން ފައްސި ވެފައިވާ ކަމަށެވެ. އޭގެތޭރައި ފަސް ޕޭޝަންޓް ހިމެނޭ ކަމަށާއި އެތަނުން އެކަކީ އިންޑޮނޭޝިއާ މީހާއެވެ.
