މިލަންދޫގައި އެކްސިޑެންޓެއް ހިނގައި މީހަކަށް އަނިޔާ ވެއްޖެ

ށ. މިލަންދޫގައި މިއަދު އެކްސިޑެންޓެއް ހިނގައި މީހަކަށް އަނިޔާ ވެއްޖެއެވެ.

Ads by Sosun Fihaara

ފުލުހުން ބުނީ މިއަދުގެ ހަވީރު 17:45 ހާއިރު މިލަންދޫގައި ރަށު ޕިކަޕަކާއި ލޮރީއެއް ޖެހި އެކްސިޑެންޓެއް ހިނގާފައިވާ ކަމަށެވެ.

ފުލުހުން ބުނީ މި އެކްސިޑެންޓުގައި ޕިކަޕު ދުއްވަން އިން މީހާއަށް އެކިވަރުގެ އަނިޔާ ލިބިފައިވާތީ ހޮސްޕިޓަލަށް ގެންގޮސް ފަރުވާ ދީފައިވާ ކަމަށާއި އެކްސިޑެންޓުވި ދެ އުޅަނދަށް ވެސް އެކިވަރުގެ ގެއްލުން ވެފައިވާ ކަމަށެވެ.

މި އެކްސިޑެންޓުގައި ދެ އުޅަނދު ދުއްވަން އިން ދެ މީހުންގެ އަތުގައި ވެސް އެއްގައު އުޅަނދު ދުއްވުމުގެ ލައިސަންސް އޮތް ކަމަށް ފުލުހުން ބުނެއެވެ.

ފުލުހުން އަންނަނީ މި މައްސަލަ ތަހުގީގު ކުރަމުންނެވެ.