ޒިންމާދާރު މަގާމެއްގައި ހުރި މީހަކު 16 އަހަރުގެ ފިރިހެން ކުއްޖަކާއިމެދު ބަދު އަޚްލާގީ އަމަލު ހިންގި މައްސަލައެއް

އުމުރުން 16 އަހަރުގެ ކުޑަ ފިރިހެން ކުއްޖަކާއި ބަދު އަޚްލާގީ އަމަލު ހިންގަން އުޅުނު މައްސަލައެއް ފެންމަތިވެއްޖެއެވެ.

Ads by Hajj Corporation

ފުލުހުންގެ މީޑިއާ އޮފިޗަލަކު ވިދާޅުވީ ސައުތު ސެންޓްރަލް ޕޮލިސް ޑިވިޝަން (ތ، ލ) ގައި ހިމެނޭ ރަށެއްގައި ޒިންމާދާރު މަގާމެއްގައި ހުރި މީހަކު 16 އަހަރުގެ ފިރިހެން ކުއްޖަކާއިމެދު ބަދު އަޚްލާގީ ޢަމަލު ހިންގަން އުޅުނު މައްސަލައެއް 5 ޖުލައި 2020 ވަނަ ދުވަހު ފުލުހުންނަށް ހުށަހަޅާފައިވާ ކަމަށެވެ.

މިމައްސަލައިގައި އަދި އެއްވެސް މީހަކު ހައްޔަރު ނުކުރާ ކަމަށް ވެސް ފުލުހުން ވިދާޅުވެފައިވެއެވެ.

މިމައްސަލަ ފުލުހުން ދަނީ ތަހުގީގު ކުރަމުންނެވެ.

ކުޑަކުދިންނާއި މައްސަލަތަކަކީ ސީރިއަސް މައްސަލަތަކަކަށް ވާތީ ކުއްޖާގެ ވަނަވަރު ރައްކާތެރި ކުރުމުގެ ގޮތުން ފުލުހުން އެކުއްޖާގެ އަދި މައްސަލަ ހުށަހެޅޭ ރަށުގެ މައުލޫމާތު ހާމަ ކޮށްފައެއް ނުވެއެވެ.