ހިޔާ ފްލެޓްތައް ލިބޭ ފަރާތްތައް މިމަހު ފަހުކޮޅު އިއުލާނު ކުރަން ފަށާނީ
ހިޔާ މަޝްރޫއުގެ ފްލެޓްތައް ލިބޭ ފަރާތްތައް މިމަހުގެ ފަހުކޮޅުން ފެށިގެން އިއުލާނު ކުރަން ފަށާނެ ކަމަށް ހައުސިން މިނިސްޓަރު މުހައްމަދު އަސްލަމް ވިދާޅުވެއްޖެއެވެ.
ސަރުކާރުގެ ހައުސިން މަޝްރޫއުތަކާ ގުޅޭ ގޮތުން ނޫސްވެރިންނަށް މައުލޫމާތު ދެއްވަމުން މިނިސްޓަރު އަސްލަމް ވިދާޅުވީ ހިޔާގެ ފްލެޓްތަކަށް ހުށައެޅި ފޯމްތައް ބަލައި އިވެލުއޭޓުކޮށް އަދި ގޭގެއަށް ޒިޔާރަތްކޮށް ހާލަތުބަލައި ކެޓަގަރީތައް ނިމެމުންދާ ވަރަކުން، ފްލެޓްތައް ލިބޭ ފަރާތްތައް އިއުލާނު ކުރަމުން ގެންދާނެ ކަމަށެވެ.
މިގޮތުން މިއަހަރުގެ ސެޕްޓެމްބަރު މަހުގެ ނިޔަލަށް ހިޔާ ފްލެޓްތައް ލިބޭ ހުރިހާ ފަރާތްތަކެއް އިއުލާނުކޮށް ނިމޭނެ ކަމަށާއި ނަމަވެސް އެތަނުގައި ދިރިއުޅެން ފެށޭވަރުވާނީ އަދިވެސް 8 މަސް ދުވަސް ފަހުން ކަމަށް އަސްލަމް ވިދާޅުވިއެވެ.
މިނިސްޓަރު އިތުރަށް ވިދާޅުވީ، ހިޔާ މަޝްރޫއުގެ 25 ބުރީގެ 16 ޓަވަރުގެ ކަރަންޓާއި ފެނާއި އެހެނިހެން ޔޫޓިލިޓީސް މަސައްކަތްތައް ނިންމުމަށް، 8 މަހެއްހާ ދުވަސް އަދިވެސް ހޭދަވާނެ ކަމަށެވެ.
Ads by STO
