އެއް ކޮޓަރީގެ ހިޔާ ފްލެޓްތައް އަޅާފައެއް ނެތް: މިނިސްޓަރު

ހިޔާ މަޝްރޫއުގެ ދަށުން ހުޅުމާލެ ދެވަނަ ފިޔަވަހީގެ ބިމުގައި އަޅާފައިވާ ފްލެޓުތަކުގައި، އެއް ކޮޓަރީގެ އެއްވެސް ފްލެޓެއް އަޅާފައި ނެތް ކަމަށް ޕްލޭނިން މިނިސްޓަރު، މުހައްމަދު އަސްލަމް ވިދާޅުވެއްޖެ އެވެ.

Ads by Sosun Fihaara

މިނިސްޓަރު އަސްލަމް މިއަދު ބޭއްވި ނޫސްވެރިންގެ ބައްދަލުވުމުގައި ވިދާޅުވީ ހިޔާ މަޝްރޫއުގެ ދަށުން ދޭނެ ކަމަށް މިދިޔަ ސަރުކާރުން އިއުލާން ކުރި ނަމަވެސް ބައެއް ކެޓަގަރީތަކުގެ ފްލެޓްތައް އަޅަން ފަށާފައި ނުވާ ކަމަށެވެ.

މިނިސްޓަރު ވިދާޅުވީ، ކެޓަގަރީތަކަކަށް ފްލެޓްތައް ދޫކުރުމަށް ދޭން ހަމަޖެހިފައި އިއުލާން ކުރީ، ޑޮކްޓަރުންނާއި ނަރުހުންނަށް، ޓީޗަރުންނަށް، އެކަނިވެރި މައިންނާއި ބަފައިންނަށް، 18-40 އަހަރާ ދެމެދު ކައިވެނިކޮށްގެން އުޅޭ މީހުންނަށް، މާލޭ ރަށްވެހިންނަށް، ދަފްތަރުގައި ރެޖިސްޓްރީކޮށްފައި ތިބި މީހުންނަށް އަދި ނުކުޅެދުންތެރިކަން ހުންނަ އާއިލާތަކަށް ކެޓަގަރީއެއް ކަމަށެވެ.

އަދި އެ ނޫން ކެޓަގަރީއެއް، އަދި އެކަމަށް ވަކި ޔުނިޓުތަކެއް އޭރުގެ ސަރުކާރުން ދެވަނަ ފިޔަވަހީގައި އަޅާފައި ނެތް ކަމަށެވެ. މިއީ އެއްރޫމްގެ ފްލެޓުތައް ކަމަށްވެސް މިނިސްޓަރު ފާހަގަ ކުރެއްވި އެވެ.

"އެއް ކޮޓަރީގެ ފްލެޓްތައް ހަދަން ފަށާފައެއް ނެތް. އިއުލާން ކުރި ނަމަވެސް ހަދަން ފަށާފައެއް ވެސް ނެތް،" މިނިސްޓަރު އަސްލަމް ވިދާޅުވި އެވެ.