މުސާރަ ނުލިބޭތީ ކަމަށް ބުނެ ބިދޭސީންތަކެއް ހުޅުމާލޭގައި މުޒާހަރާ ކުރަން ފަށައިފި
މުސާރަ ނުލިބޭތީ ކަމަށް ބުނެ ބިދޭސީންތަކެއް ހުޅުމާލޭގައި މުޒާހަރާ ކުރަން ފަށައިފިއެވެ.
ބިދޭސީންތަކެއް ހުޅުމާލެ މަގުމައްޗަށް ނިކުމެ މިއަދު ވަނީ މުޒާހަރާ ކޮށްފަ އެވެ. އެމީހުން މަސައްކަތް ކުރާ ކުންފުނީގެ އޮފީސް ކައިރިިއަށް ގޮސް މުޒާހަރާ ކުރީ، މުސާރަ ނުލިބޭތީ ކަމަށް ވެ އެވެ.
ފުލުހުން މިއަދު ބުނީ، މުޒާހަރާ ކުރި މީހުން މަސައްކަތް ކުރާ ތަނަށް އެއްވެފައިވަނީ އެމީހުންނަށް ލިބެންޖެހޭ މުސާރަ ނުލިބުމުގެ ސަބަބުންނެވެ. އަދި ފުލުހުން އެތަނަށް ދިއުމުން އެމީހުން ވަނީ އެތަނަށް ގޮސްފައި ކަމަށެވެ. މިކަމާ ގުޅިގެން ސޯޝަލް މީޑިއާގައި ދައުރުވާ ވީޑިއޯއެއްގައި ފުލުހުންނާއި މުޒާހަރާގެ ބައިވެރިންނާ ހަމަނުޖެހުމެއް ހިނގައިގެން އުޅޭ މަންޒަރުވެސް ފެނެ އެވެ. ފުލުހުން އެކަމަށް އެއްވެސް ބަހެއް އަދި ނުބުނެ އެވެ.
މީގެ ކުރިން ވެސް ފުލުހުންނާއި ސިފައިންގެ ފްލެޓުތަކުގެ މަސައްކަތް ކުރަމުންދާ ބިދޭސީ މުވައްޒަފުން ވަނީ މުސާރަ ނުލިބިގެން، އެ ސައިޓުގައި ތިބެ މުޒާހަރާކޮށްފަ އެވެ.
