އެ ބޯޓު އަޑިއަށް ދިޔައީ ކާށިދޫގެ އުތުރުން ނުވަ މޭލް ބޭރުންނެވެ. އެ ސަރަހައްދުގައި ގޯސްޓުގާޑުން ހަރަކާތްތެރިވަމުންދާއިރު އެމްއެންޑީއެފްއިން ބުނީ އެ ސަރަހައްދުން ބޯޓުގެ އެއްވެސް ނިޝާނެއް ވެސް ނުފެނޭ ކަމަށެވެ.
އެމްއެންޑީއެފްގެ އިންފޮމޭޝަން އޮފިސަރު، މޭޖާ އިބްރާހިމް އާޒިމް ވިދާޅުވީ ބޯޓު އަޑިއަށް ގޮސް، އޭގެން ދަތުރުކުރި ފަސް މީހަކު ގެއްލިގެން ރިޕޯޓުކުރީ މިއަދު މެންދުރު 12:29 ހާއިރު ކަމަށެވެ.
އާޒިމް ދެންމެ ވިދާޅުވީ، މެންދުރު 14:40 ހާއިރު ބޯޓުން ދަތުރުކުރި މީހުން ކަނޑުވެފައި ތިއްބާ އެމްއެންޑީއެފް ކޯސްޓްގާޑުގެ ލޯންޗަށް ފެނިގެން މިހާރު ސަލާމަތްކޮށްފައިވާ ކަމަށެވެ.
އަދި މިހާރު އެމީހުން މާލިފުށްޓަށް ގެންދިއުމަށް ދަތުރު ފަށާފައިވާ ކަމަށާއި އެންމެންގެ ހާލުވެސް ރަނގަޅު ކަމަށް އާޒިމް ވިދާޅުވިއެވެ. ކަނޑުވީ ހަތަރު ދިވެހީންނާއި ބިދޭސީއެކެވެ.
