ގެދޮރުވެރި ކަމަށް ބޮޑު ޑިމާންޑެއް އޮތީ މާލެ ސަރަޙައްދުގައި: މިނިސްޓަރ އަސްލަމް
މަޝްރޫއުތައް ހިންގުމުގައި އިސްކަން ދޭނީ މާލެއަށް ކަމަށާއި ގެދޮރުވެރިކަމަށް ބޮޑު ޑިމާންޑެއް އޮތީ މާލޭ ސަރަހައްދުގައި ކަމަށް މިނިސްޓަރ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ މުހައްމަދު އަސްލަމް ވިދާޅުވެއްޖެ އެވެ.
ގެދޮރުވެރިކަމުގެ މަޝްރޫޢުތަކާއި ގުޅޭގޮތުން މިއަދު ހެނދުނު ބޭއްވި ނޫސްވެރިންގެ ބައްދަލުވުމުގައި މިނިސްޓަރ އަސްލަމް ވިދާޅުވެފައިވަނީ މާލޭގައި ދިރިއުޅެން ކަމުނުދާ ފަދަ ތަންތަނުގައި 21،000 މީހުން ދިރިއުޅެމުންދާ ކަމަށާއި އެއީ ވަގުތުން ވަގުތަށް މާލެއަށް ގެދޮރު ބޭނުންވެފައިވާ އަދަދެއް ކަމަށެވެ.
މީގެއިތުރުން މިނިސްޓަރ ވިދާޅުވީ ޓާގެޓަކީ އެ 21،000 އާއިލާއަށް ގެދޮރު ފޯރުކޮށްދިނުން ކަމަށާއި އެއީ އަލަށް ފަށާފައިވާ މަޝްރޫއަކުން ނުވަތަ ކުރިން ފަށާފައިވާ މަޝްރޫއަކުން ކަމަށް ވެސް ވެދާނެ ކަމަށެވެ.
"ބާރުލާފައި ފޯކަސްކޮށްގެން އަޅުގަނޑުމެން ހައުސިންގ މަސައްކަތްތައް މިހާރު ހަމަ ގައިމު ވެސް ކުރިއަށް ގެންދާނީ މާލޭ ސަރަހައްދަށް، މާލޭ ސަރަހައްދަށް ވަރަށް ތަފާތު ބޮޑުކޮށް ނީޑް އޮތީ، ނީޑް އެބަ އޮތް އަތޮޅު ތެރޭގައި ވެސް އަދި މާލޭގައި ވެސް އެހެންނަމަވެސް ވަރަށް ތަފާތު ބޮޑުކޮށް މާލޭގައި ނީޑް އޮތީ،" ހައުސިންގ އަދި ޕްލޭނިންގ މިނިސްޓަރު އަސްލަމް ވިދާޅުވި އެވެ.
Ads by STO
