ހަގީގަތުގައި ފެއިލް ވެގެން މިއުޅެނީ ރައީސް އިބްރާހިމް މުހައްމަދު ސޯލިހުގެ ސަރުކާރު ނޫންތޯ މާވަށު ދާއިރާގެ މެމްބަރު މުހައްމަދު ސައީދު ސުވާލު އުފައްދަވައިފިއެވެ.
Ads by STELCO
ސައީދު މި ސުވާލު އުފެއްދެވީ އެންޓި ކޮރަޕްޝަން ކޮމިޝަން(އޭސީސީ) ފެއިލް ވެއްޖެ ކަމަށާއި މަގާމުން ވަކި ކުރަން ޖެހިދާނެ ކަމުގެ އިންޒާރު އެމްޑީޕީގެ މެމްބަރުން ދެއްވުމާ ގުޅިގެންނެވެ.
އެގޮތުން ސައީދު ކުރެއްވި ޓްވީޓެއްގައި ވިދާޅުވީ ހޮނިހިރު ދުވަހު އޭސީސީ "އޯކޭ" ވެފަ އާދީއްތަ ދުވަހު ގޯސް ވެއްޖެ ކަމަށާއި ޖުޑީޝަރީ ވެސް ރައީސް ނަޝީދުގެ ބަސް ވިކެންޏާ އިންސާފުވެރި ކަމަށެވެ.
މީޑިޔާ ވެސް އެމްޑީޕީއާ އެއްކޮޅަށް ވާހަކަ ދައްކާނަމަ އެމީޑިޔާ އަކީ ވެސް ރަނގަޅު މީޑިޔާއެއް ކަމަށާއި އެހެން ނޫން ނަމަ ގޯސްވާ ކަމަށް އޭނާ ވިދާޅުވިއެވެ.
ރައްޔިތުން މަޖިލީހުގެ މިނިވަން މުއައްސަސާތަކާއި ބެހޭ ކޮމެޓީގައި އިއްޔެ ވަނީ ހެންވޭރު ހުޅަނގު ދާއިރާގެ މެންބަރު ހަސަން ލަތީފު ހުށަހަޅާފައިވާ ސިޓީއަކާއި ގުޅިގެން މަޝްވަރާ ކޮށްފައެވެ. އެ ބައްދަލުވުމުގައި ކޮރަޕްޝަން ފައިސާގެ ބޮޑެތި މައްސަލަތައް (އޭސީސީ) އަށް ބެލިފައިނުވާ ކަމަށް ވިދާޅުވެ އެ ކޮމިޝަނުގެ މެންބަރުން ވަކި ކުރަންޖެހިދާނެ ކަމުގެ އިންޒާރު ދެއްވީ ރައްޔިތުންގެ މަޖިލީހުގެ ބިލެއްދޫ ދާއިރާގެ މެމްބަރު އަހުމަދު ހަލީމް އެވެ.
Ads by STO
