އަނެއްކާވެސް ރަހުމާ ހޫނުފެނަށް: "ރޭޕް ކުރަން އެވަރަށް ހިފަހައްޓާފަ ހުރިއިރު ލަކުނެއް ވެސް ނެތް؟"
މިދިޔަ އަހަރުގެ ރަމަޟާން މަހުގައި ޖެހުނު މައްސަލައެކެވެ. ކަނޑޫދޫ މިރުހުގެ އަގު އަތް ނުފޯރާވަރަށް ބޮޑުކުރުމުން، އެކަމާއި ކަންބޮޑުވުން ފާޅު ކުރުމުން ދެން ފެށުނު ބަހުސަކީ "މާލެ-ރާއްޖެތެރެ" ބަހުސެވެ. އެގޮތުން މިބަހުސުގެ އެންމެ ކުރީ ސަފުގައި ހުރި އެކަކީ ކުރިން ރައީސް މައުމޫންގެ ކެމްޕޭނު ހަރަކާތްތަކުގައި އުޅުނު އަދި ފަހުން އެމްޑީޕީއާއި ގުޅުނު ސޯޝަލް މީޑިއާ އެކްޓިވިސްޓު ރަހުމާ އެވެ.
ސޯޝަލް މީޑިއާގައި އަތޮޅުތެރޭގެ ރައްޔިތުންނާއި ދިމާލަށް ފުރައްސާރަ ކުރާފާޑުގެ ރާގަކަށް ރަހުމާ ޝުޢޫރުފާޅު ކުރުމުން، އޭނާ އާއި ދިމާލަށް އެއިރު "މާލެ ރަހުމާ" އޭ "މާލެ ސިޓީ ރަހުމާ" އޭވެސް ކިޔައި އުޅުނެވެ.
ކޮންމެހެނަކަސް އެތައް ދުވަހެއްވަންދެން މީހުން ރަހުމާ އަށް ނުރުހުން ފާޅުކޮށް އޭނާ ޓްރޯލް ކުރުމަށްފަހު، އަދި އޭނާވެސް އެހެން މީހުންނަށް ރައްދު ދިނުމަށްފަހު، މީހުން އެވާހަކަތަށް ދެއްކުން ހުއްޓުނެވެ.
ނަމަވެސް މިއަދު އަނެއްކާވެސް ރަހުމާ މިވަނީ ހޫނު ފެނަށް ވެއްޓިފައެވެ.
އެކްޓަރު ޖުމައްޔިލު ނިމާލު އޭނަގެ ދެބެންގެ ދެދަރި ކޮއްކޮއެއް ރޭޕްކުރި ވާހަކަތަކެއް އެއަންހެން މީހާ (ޒަހޫ) ސޯޝަލް މީޑިއާގައާއި އެހެން މީޑިއާއަކުވެސް ހިއްސާ ކޮށްފައިވާއިރު ރަހުމާ މިވަނީ މިކަމާއި މެދު އޭނެ ދެކޭގޮތް ވެސް ހާމަކޮށްފައެވެ.
އެގޮތުން ޒަހޫ ދެއްކި ވާހަކަތަށް ޤަބޫލު ވެސް ނުކުރާފަދަ މޭރުމަކުން ރަހުމާ ބުނެފައިވަނީ ޒަހޫ ޖުމައްޔިލުގެ ކޮޓަރިއަށް ދިޔައީ ކީއްވެތޯ އާއި އެގޭގައި ލިވިންގ ރޫމެއް ވެސް ނެތީތޯއެވެ.
މީގެއިތުރުން ރަހުމާ ބުނެފައިވަނީ "ރޭޕް ކުރަން އެވަރަށް ހިފަހައްޓާފައި ހުރި އިރުގެ ލަކުނެއް ވެސް ހަމަ ނެތްތަ؟" މިހެންނެވެ.
ޓްވިޓާގައި މިވާހަކަ ގަދަޔަށް ދެކެވެމުން އަންނައިރު ރަހުމާ އަހާފައިވަނީ ކުއްލިއަކަށް މިވާހަކަ ދެއްކެން ފެށުނީ ކީއްވެތޯ އާއި ކުރިން އެވާހަކަ ދެއްކިކަން އޭނާއަށް އަޑުއިވިފަ ނުވާ ކަމަށް ބުނެފައެވެ.
ރަހުމާ ބޭނުން ކޮށްފައިވާ ބަސްްތަކާއި ވާހަކަ ދައްކާފައިވާ ގޮތުގެ ސަބަބުން ވަރަށް ގިނަ މީހުން ވަނީ އޭނާއަށް ނުރުހުން ފާޅު ކޮށްފައެވެ. އަދި އެއްބަޔަކު އޭނާ ބްލޮކް ކުރުމަށް ވެސް ވަނީ ގޮވާލާފައެވެ.
Jumail ge vahaka kyveh tha kulli ahkah mi @xahhuu mi dhahkan feshee? Kurin gaimu meena Eh vahaka dhehki thaneh nufeney? Ma komeh henn rape ah thaaid kuranee Eh noon kuli ahkah mi vahaka dhahkan fesheema hama ahaalee
— RaWhOo (@Rawhoo_) July 6, 2020
