ތިލަފުށީގައި ހުރި ގުދަނެއްގައި ރޯވެ އަނދަނީ

ސިނާއީ ރަށެއް ކަމަށްވާ ތިލަފުށީގައި ހުރި ގުދަނެއްގައި އަލިފާން ރޯވެގެން އެމްއެންޑީއެފުން ހަރަކާތްތެރިވާން ފަށައިފި އެވެ.

Ads by Hajj Corporation

އެމްއެންޑީއެފްގެ އިންފޮމޭޝަން އޮފިސަރ، މޭޖަ އިބްރާހިމް އާޒިމް ވިދާޅުވީ އަލިފާން ރޯވެފައި ވަނީ "ސެކުޔާ ބޭގް" ގެ ގުދަނުގައި ކަމަށެވެ.

އެ ހާދިސާގެ މައުލޫމާތު އެމްއެންޑީއެފަށް ލިބިފައި ވަނީ މިރޭ 20:24 އެހައިކަންހާއިރު ކަމަށާއި ފަޔާ އެންޑް ރެސްކިއުގެ ފަޔާ ފައިޓަރުން އެތަނުގައި ހަރަކާތްތެރިވަމުން އަންނަ ކަމަށެވެ.

އަލިފާންގަނޑު އަދި ކޮންޓްރޯލުވެފައި ނުވާއިރު އަލިފާންގަނޑު ކޮންޓްރޯލްކުރުމަށް ތިލަފުށީ ފަޔަރ އެންޑް ރެސްކިއު ޓީމުން ދަނީ މަސައްކަތްކުރަމުންނެވެ. މި އަލިފާންގަނޑު ކޮންޓްރޯލްކުރުމަށް އެމްއެންޑީއެފުންވަނީ ބެކަޕް ޓިމެއްވެސް ވަނީ ތިލަފުއްޓަށް ފޮނުވާފައެވެ.