އިދިކޮޅުގެ ރައްދު އުމަރަށް: ޖާގައެއް ނެތް، ހަނދާން ނައްތާލާ!
ކުރީގެ ހޯމް މިނިސްޓަރ އަދި އަންނަ ރިޔާސީ އިންތިހާބުގައި ވާދަ ކުރައްވާނެ ކަމަށް ވިދާޅުވެފައިވާ އުމަރު ނަސީރު އަށް، އިދިކޮޅު ޕީޕީއެމް/ޕީއެންސީ ކޯލިޝަނުން ޖާގައެއް ނެތް ކަމަށް ޕީއެންސީ ގެ ރައީސް އަބްދުއްރަޙީމް އަބްދުﷲ (އަދުރޭ) ވިދާޅުވެއްޖެއެވެ.
ޕްރޮސެކިއުޓާ ޖެނެރަލާއެކު އިދިކޮޅު ކޯލިޝަނުން ބޭއްވި ނޫސްވެރިންގެ ބައްދަލުވުމުގައި ނޫސްވެރިންގެ ސުވާލުތަކަށް ޖަވާބު ދެއްވަމުން އަބްދުއްރަޙީމް ވަނީ "ސީއެންއެމް" ގެ "އިތުރު ކާފު" ޕްރޮގްރާމުގައި އުމަރު ނަސީރު ދެއްކެވި ވާހަކަތަށް ރައްދު ދެއްވާފައެވެ.
އެގޮތުން އުމަރުއަށް ރައްދު ދެއްވަމުން އަބްދުއްރަޙީމް ވިދާޅުވީ ތަބަކަކަށް ލައިގެން ޕީޕީއެމް/ޕީއެންސީ އުމަރުގެ އަތްޕުޅަށް ލައިދޭނެ ކަމުގެ ވިސްނުންްފުޅު ނުބެހެއްޓެވުމަށާއި އިދިކޮޅުގައި އުމަރު ނަސީރުއަށް ޖާގައެއް ނެތް ކަމަށެވެ.
"އުމަރު ނަސީރަށް ހީވަނީތޯ އަޅުގަނޑުމެން ތަބަކަކަށް ލައިގެން އުމަރަށް ޕީޕީއެމް ޕީއެންސީ ދީފާނެއޭ، ހަނދާންނައްތާލާ! އެކަމެއް ނުވާނެ. އުމަރުނަސީރަކަށް ޕީޕީއެމް ޕީއެންސީގެ ޖާގައެއް ނުލިބޭނެ." އަބްދުއްރަހީމް ވިދާޅުވެފައިވެއެވެ.
