ސަމާލުވޭ! ލަކްސް* ސައުތް އަރިގެ ނަމުގައި ދައުރުވަމުން ދަނީ ފޭކް ގިވްއަވޭ އެއް
ރާއްޖޭގެ ލަގްޒަރީ ރިސޯޓެއް ކަމުގައިވާ ލަކްސް* ސައުތް އަރި ގެ ނަމުގައި ދައުރުވަމުން ދަނީ ފޭކް ގިވްއަވޭ އެއް ކަމުގައި އެ ރިސޯޓުން ބުނެފިއެވެ. މި ގިވްއަވޭ ހުޅުވާލާފައިވަނީ އެ ރިސޯޓުގެ ނަމުގައި ހިންގަމުން ފޭކް ޕޭޖަކުންނެވެ.
14 ދުވަހުގެ ރިސޯޓު ހުރުން ދޭނެ ކަމަށް ބުނެ ހުޅުވާލި ގިވްއަވޭ ގައި ގިނަ ބަޔަކު ބައިވެރިވެފައިވެއެވެ.
އެ ރިސޯޓުގެ ފޭސްބުކު ވެރިފައިޑް ޕޭޖުގައި މިއަދު ކުރި ޕޯސްޓެއްގައި ބުނެފައިވަނީ އެ ރިސޯޓުގެ ނަމުގައި ހިނގަމުން އަންނަ ޕޭޖަކުން ދޮގު މައުލޫމާތު ފަތުރައި، މީހުންގެ ކްރެޑިޓް ކާޑުގެ މައުލޫމާތު ހޯދުމަށް އެދެމުން އަންނަ ކަމަށެވެ.
އަދި އެ ރިސޯޓުން ވަނީ ގާނޫނީ ގޮތުން މިކަމަށް އަޅަން ޖެހޭ ފިޔަވަޅުތައް އެޅުމުގެ މަސައްކަތް ކުރަމުން އަންނަ ކަން ފާހަގަކޮށް، އެ ފޭކު ޕޭޖު ރިޕޯޓުކުރުމަށް އެދިފައެވެ.
އަދި އެ ރިސޯޓުން އެއްވެސް ހާލެއްގައި މީސް މީޑިއާ މެދުވެރިކޮށް ޕޭމެންޓުގެ ތަފްސީލެއް ނުވަރަ ކާޑުގެ ތަފްސީލެއް ނާހާނެ ކަމަށް ބުނެފައިވެއެެވެ.
ފަހަކަށް އައިސް ދިވެހިންގެ ތެރޭގައި ގިވްއަވޭ ތައް މަގުބޫލު ވެފައިވާއިރު، ފޭކް ގިވްއަވޭ ތައް ވެސް އަންނަނީ ގިނަވަމުންނެވެ. އެގޮތުން އެންމެ ފާހަގަކޮށްލެވުނު އެއް ގިވްއަވޭ އަކީ އެއްލައްކަ އަށް ވުރެ ގިނަ ރުފިޔާ ގެ ތަކެތި ދޭނެ ކަމަށް ބުނެ، ފިޓްނެސް އިންސްޓްރަކްޓާ އިސްމާއިލް ފާޒިލް ނުވަތަ ފިޓްފާޒިލް ޖެއްސި ފޭކު ގިވްއަވޭ އެވެ.
