މި މަހުގެ 15 އިން ފެށިގެން ވޯކް ވިސާ އާއި އެހެނިހެން ވިސާގައި ރާއްޖެ އާދެވޭނެ!
މި މަހުގެ 15 ގައި ބޯޑަރު ހުޅުވާލުމުން ކުރިއެކޭ އެއްގޮތަށް ވޯކް ވިސާ އަދި އެހެނިހެން ވިސާގައި ރާއްޖެ އަންނަ ފަރާތްތަކުން ހުރިހާ ލިޔެކިއުމެއް ހަމަކުރަންޖެހޭނެ ކަމަށް އިމިގްރޭޝަނުން ބުނެފިއެވެ.
އިމިގްރޭޝަނުން ބުނީ ކޮވިޑް-19އާ ގުޅިގެން ރާއްޖޭގެ ބޯޑަރު މާރޗް މަހުގެ 27 ގައި ބަންދުކުރުމުން ބޭރު ފަރާތްތަކަށް އިމިގްރޭޝަންގެ ވެބްސައިޓުން ފެންނާނީ ޤައުމުގެ ބޯޑަރު ބަންދުކޮށްފައި އޮތްކަމަށެވެ. ނަމަވެސް 15 ޖުލައިގައި ބޯޑަރު ހުޅުވާލުމުން އެކި ބާވަތުގެ ވިސާތަކުގައި ރާއްޖެ އަނބުރާ އަންނަން ބޭނުންވެފައި ތިބި ފަރާތްތަކުން ކުރިއެކޭ އެއްގޮތަށް ހުރިހާ ލިޔެކިއުމެއް ހަމަކޮށް، ރާއްޖެއަށް އާދެވޭނެކަމަށެވެ.
އިމިގްރޭޝަނުން ބުނީ އެއާލައިންތަކުންވެސް އަދި ވޯކް، ބިސްނަސް، ޑިޕެންޑަންޓް، މެރިޖް އަދި ޓުއަރިސްޓް ވީޒާގައި ރާއްޖެ އަންނަ ބޭނުންވެފައިތިބި މީހުންގެ ސުވާލުތައް އެބަހުރިކަމަށެވެ. އަދި ކޮންމެ ވީސާއަކަށް ބޭނުންވާނެ ލިޔެކިއުންތައް ވެބްސައިޓުން ފެންނަން ހުންނާނެކަމަށާއި، މިތަކެތި ހަމަކޮށްގެން އައުމުން ރާއްޖޭގެ އިމިގްރޭޝަނުން ކްލިއަރަންސް ލިބޭނެކަމަށެވެ.
15 ޖުލައިގައި ބޯޑަރު ހުޅުވާއިރު ޓުއަރިސްޓުންނަށް އޮން އެރައިވަލް ވިސާ ދިނުމަށް ވަނީ ނިންމާފައެވެ. ނަމަވެސް ކުރިއެކޭ އެއްގޮތަށް ދެން ހުރި ވީސާތަކަށް އެކިއެކި އެޕްރޫވަލް އަދި ލިޔެކިއުން ކުރިއާލައި ހޯދަންޖެހޭނެއެވެ. ކޮވިޑް-19 ގެ ލޮންޑައުންގެ ތެރޭގައި އިމިގްރޭޝަނުން ކުރިންވަނީ ކޯވިޑް-19ގެ ސަބަބުން ވީޒާ ފައިސާ ދައްކަން ދަތިވެފައިވާ ފަރާތްތަކާއި ވީސާ ހެއްދުމަށް އުޒުރުވެރިވެފައިވާ ފަރާތްތަކުގެ ފީދެއްކުން ވަގުތީގޮތުން ފަސްކޮށްދީފައެވެ.
އިމިގްރޭޝަނުން އަންނަނީ ކޯވިޑް-19އާ ގުޅިގެން ސަރުކާރުން އަޅުއްވަމުންގެންދަވާ ފިޔަވަޅުތަކާ ގުޅިގެން ރާއްޖޭގައި ތިބި ބިދޭސީންގެ ކަންކަމާ ގުޅޭ ފަރާތްތަކާ ގުޅިގެން ބަލަމުންނެވެ. އެގޮތުން މިދަނޑިވަޅުގައި ރާއްޖެއިން ބޭރަށް ދާން ބޭނުންވާ މީހުންގެ ތެރެއިން ގަވާއިދާ ޚިލާފަށް އުޅޭ މީހުންނާއި ގަވާއިދާ އެއްގޮތަށް ތިބި މީހުންގެ ތެރެއިންވެސް ޤައުމަށް ދާން ބޭނުންވާ މީހުން ފޮނުވުމުގެ މަސައްކަތް އިމިގްރޭޝަނުން
Ads by STO
