ތިލަފުށީގެ ގުދަނެއްގައި ރޯވި އަލިފާނުގެ 90 ޕަސެންޓް ކޮންޓްރޯލްކޮށްފި
ތިލަފުށީ ގުދަނެއްގައި ރޯވި އަލިފާން ގަނޑުގެ 90 ޕަސެންޓު ކޮންޓްރޯލް ކޮށްފިއެވެ.
އެމްއެންޑީއެފްގެ އިންފޮމޭޝަން އޮފިސަރ، މޭޖަ އިބްރާހިމް އާޒިމް ވިދާޅުވީ އަލިފާން ރޯވެފައި ވަނީ "ސެކުޔާ ބޭގް" ގެ ގުދަނުގައި ކަމަށެވެ.
އެ ހާދިސާގެ މައުލޫމާތު އެމްއެންޑީއެފަށް ލިބިފައި ވަނީ މިރޭ 20:24 އެހާކަންހާއިރު ކަމަށާއި ފަޔާ އެންޑް ރެސްކިއުގެ ފަޔާ ފައިޓަރުން އެތަނުގައި ހަރަކާތްތެރިވަމުން އަންނަ ކަމަށެވެ.
އެމްއެންޑީއެފުން ދެންމެ ބުނީ އަލިފާންގަނޑު 90 ޕަސެންޓަށް ކޮންޓްރޯލް ވެއްޖެ ކަމަށެވެ.
އަލިފާން ކޮންޓްރޯލު ކުރުމަށްޓަކައި ބެކްއަޕް ފަޔާ ޓީމެއް ވެސް ފަހުން ތިލަފުށްޓަށް ވަނީ ގޮސްފަ އެވެ.
އެމްއެންޑީއެފްއިން މައުލޫމާތު ދިން ގޮތުގައި އަލިފާން ރޯވި ގުދަނަކީ ފަސޭހައިން އަލިފާން ރޯވާ ޒާތުގެ ތަކެތި ގުދަންކޮށްފައި ހުރި ތަނެކެވެ. އޭގެ ތެރޭގައި ސްޓޮކްކޮށްފައި ހުރި ގިނަ އަދަދެއްގެ ދަވާދު ހިމެނެ އެވެ.
Ads by STO
